رەسەيدە ابدەن سىنالعان قىلمىستىق ايلا تابىستى جۇمىس ىستەۋدە — سۆەردلوۆسك وبلىسىندا ماشينالار قازاقستانعا جىبەرۋ ءۇشىن تۇراقتى ۇرلانۋدا. 2015 جىلى ۇرلىقتىڭ ازايعانىنا قاراماستان، سيفرلار تاڭدانىس تۋدىرماي قويمايدى، - دەپ جازادى serke.org.
باستىسى — كوڭىل ءبولۋ
رف ىشكىىسمينى سۆەردلوۆسك وبلىسى بويىنشا قىلمىستىق ىزدەستىرۋ باسقارماسى باستىعىنىڭ ورىنباسارى ناتيگ بايراموۆتىڭ ايتۋىنشا، 2014 جىلى ايماقتىڭ اۋماعىندا 1430 ۇرلىق تىركەلگەن، ال 2015 جىلى پوليسيا بولىمشەلەرىنە تۇسكەن ارىزدار 330-عا ازايىپ، — 1100-گە تەڭ بولعان. 2016 جىلعى قاڭتاردا 39 كولىك ۇرلىعى تىركەلگەن.
شەتەلدىك اۆتوماشينالاردىڭ اراسىندا نەعۇرلىم ءجيى ۇرلاناتىندارى ورتا سىنىپتاعى اۆتوموبيلدەر: Hyundai Solaris، Mitsubishi Lancer، Toyota Corolla، Renault Logan…
وتاندىق اۆتوكولىكتەر قاسكۇنەمدەر اراسىندا سونشالىقتى سۇرانىسقا يە بولماي وتىر.
بۇدان بۇرىن ۇيىمداسقان قىلمىستىق توپتىڭ چەليابينسك وبلىسىنان ەكى جىل بويى شەتەلدىك قىمبات كولىكتەردى قالاي جاپپاي ۇرلاعانى تۋرالى 365info.kz پورتالى اڭگىمەلەگەن ەدءى. ارى قاراي قازاقستانعا وتكىزۋ ءۇشىن ول ماشينالاردىڭ نومىرلەرى مەن VIN-كودتارىن قايتادان ويىپ جازعان. قىلمىستىق توپقا رەسەي فەدەرالدىق قاۋىپسىزدىك قىزمەتىنىڭ قىزمەتكەرى «قامقورلىق» جاساپ وتىرىپتى.
ال سۆەردلوۆسكىلىك ۇرىلار كولىكتى قازاقستانعا جەتكىزۋدىڭ باسقا امالىن تاۋىپتى.
رەسەيلىك 66.ru سايتى حابارلاعانداي، ىزدەۋ جاريالانعان ۇرلانعان اۆتوموبيلدەردىڭ سۆەرلوۆسك وبلىسىنىڭ اۋماعىنا اسىپ، باسقا ايماقتارعا، ءتىپتى باسقا ەلدەرگە (ماسەلەن، قازاقستانعا) جەتكىزىلۋى بۇرىنعىداي ءجيى كەزدەسەتىن ءجايت. ءتىپتى، گيبدد-نىڭ تۇراقتى بەكەتتەرىندەگى جانە جول بويىنا ورناتىلعان بەينەكامەرالاردىڭ دا كومەگى بولماي وتىر.
ۇرلانعان اۆموبيلدەردى شەكارادان وتكىزۋدىڭ امالى
«بۇل ءبىزدىڭ باس اۋرۋىمىز»، — دەپ مويىندايدى رف ىشكىىسمينى سۆەردلوۆسك وبلىسى بويىنشا قىلمىستىق ىزدەستىرۋ باسقارماسى باستىعىنىڭ ورىنباسارى ناتيگ بايراموۆ. سوسىن ول ۇرىلاردىڭ ءجيى قولداناتىن امالدارىن تىزبەكتەپ ايتا باستادى:
— ىلەسپە كۇزەتى دەپ اتالاتىن — بۇل ماي قىزمەتكەرلەرىن نازارىن بولەتىن ەكى نەمەسە ءۇش اۆتوموبيلدەر. ادەتتە، الدا «بارلاۋشى-ماشينالار» ءجۇرىپ وتىرادى.
بەكەتكە جاقىنداعان كەزدە، ماشينانىڭ قۇجاتتارى دۇرىس ەكەنىن بىلەتىن جۇرگىزۋشىلەردىڭ ءبىرى ادەيى جول ءجۇرۋ ەرەجەسىن بۇزادى. ماي قىزمەتكەرى جول ەرەجەسىن بۇزۋشىلىقتى راسىمدەگەنشە، نازاردان تىس قالعان ەكىنشى اۆتوماشينا بەكەتتەن ەركىن ءوتىپ كەتە بارادى.
قاسكۇنەمدەر كوپ رەتتە ماي قىزمەتكەرلەرى كەزەكشىلىكتەن اۋىساتىن كەزدى تاڭدايدى، ولار پوليسيا ارناسىنا قوسىلىپ، تىڭداپ وتىرادى. كەيدە قىزمەتىنە ادال ەمەس ماي قىزمەتكەرلەرىنىڭ وزدەرى اۆتوۇرىلارعا شەكارادان وتۋگە كومەكتەسەدى.
ناتيگ بايراموۆ مۇنداي جاعدايلاردىڭ الدىن الۋ ءۇشىن تراسسالارعا قوسىمشا بەينەكامەرالار ورناتۋدى ۇسىنىپ وتىر. «وكىنىشكە قاراي، ءقازىر بەينەكامەرالار جەتىسپەيدى»، — دەيدى رف ىشكىىسمينى سۆەردلوۆسك وبلىسى بويىنشا قىلمىستىق ىزدەستىرۋ باسقارماسى باستىعىنىڭ ورىنباسارى.
قازاقستاندىق گاسترولەرلەر
رەسەيدەن اۆتوماشينا ۇرلاپ، ارتىنان ونى قازاقستانعا وتكىزۋ — قازىرگى تاڭدا كەڭىنەن تارالعان قىلمىس ءتۇرى. ماسەلەن، وسىدان ءبىر جارىم جىل بۇرىن رەسەيلىك پوليسەيلەر ومبىدا بىرنەشە اۆتوۇرلىق جاساعان قازاقستاندىقتاردى قۇرىقتادى.
32 جاس 36 جاس شاماسى ارالىعىنداعى بىرنەشە قازاقستان ازاماتى ومبىعا ءوز ماشينالارىمەن كەلەدى. ولار رەسەيدەن اۆتوموبيلدەر ۇرلاپ، ولاردى قازاقستاندا ساتۋدى جوسپارلايدى.
شەتەلدىك قىمبات اۆتوكولىكتى ۇرلاعان ولار تەمىر تۇلپاردى ءبىر اپتا ومبىدا جاسىرىن ۇستاپ، ودان كەيىن شەكارا ارقىلى قازاقستانعا اسىرىپ وتىرعان
ۇرلانعان التى ءاۆتوموبيلدىڭ جارتىسىن ولار قازاقستانعا وتكىزىپ ۇلگەرىپتى، قالعانىن پوليسيا قىزمەتكەرلەرى تاركىلەگەن.
ۇرلانعان اۆتوكولىكتى رەسمي تۇردە ساتىپ الۋعا بولادى
«ەگەر ءسىز ۇرلانعان كولىكتى ساتۋ كەزىندە قيىندىققا ۇشىراساڭىز، وندا ءسىزدىڭ جولىڭىز تۋرا … جوق، تۇرمەگە ەمەس! «قىلمىستىق» ماشينالاردى ساتۋ جونىندەگى فرانسۋزدىق سايتقا تارتادى»، — دەگەن ءازىلدى تانىمال topgir.com سايتى حابارلايدى. بۇل رەسۋرستىڭ Voiture-volee.com دەگەن اتاۋى «ۇرلانعان اۆتوموبيل» دەپ اۋدارىلادى. سايت يەلەرى ۇرلانعان اۆتوموبيلدەردى ولاردىڭ كومەگىمەن ساتۋ — ناعىز جاريا بيزنەستىڭ ءوزى دەپ سەندىرەدى.
رەسۋرستى يدەيالىق جاعىنان رۋحتاندىرۋشىلار، ەگەر اۆتوموبيل ۇرلانعاننان كەيىن ءۇش جىلدان ارتىق ۋاقىت وتسە، اۆتوموبيل ۇرلانعان بولىپ سانالمايدى، دەپ مالىمدەيدى، ويتكەنى ونىڭ زاڭدى يەسى ساقتاندىرۋ كومپانياسىنان وتەماقىسىن الىپ ۇلگەرگەن.
سايتتىڭ ۇرانى — «ۇرلانعاندى ساتىپ ال، ارزانعا تۇسەدى!». شىنىندا دا، سايتتا ساتىلىمعا شىعارىلعان اۆتوموبيلدەر باعاسى نارىقتىق باعادان 50 پايىز ارزان. رەسۋرستىڭ ورنالاسقان جەرى — پاناما، سوندىقتان فرانسۋز جاندارمدارىنا ونىڭ يەلەرىنىڭ، ال ودان دا قىزىعى، تىركەلگەن پايدالانۋشىلاردىڭ ىزىنە ءتۇسۋ وتە قيىن.
پىكىر قالدىرۋ