ءال-فارابي اتىنداعى قازاق ۇلتتىق ۋنيۆەرسيتەتىندەبەلگىلى جۋرناليست،   «Central Asia Monitor» گازەتىنىڭ باس رەداكتورى بيگەلدى عابدۋللينمەن كەزدەسۋ ءوتتى، - دەپ حابارلايدى «قامشى» پورتالى.

كەزدەسۋ كەزەكتەن تىس سايلاۋ ناۋقانىنا وراي ۇيىمداستىرىلدى. ءىس-شارا بارىسىندا الماتى قالاسى، بوستاندىق اۋدانى №21 سايلاۋ وكرۋگى بويىنشا ءماسليحات دەپۋتاتتىعىنا ۇمىتكەر «نۇر وتان» حدپ وكىلى بيگەلدى قايىردوس ۇلى ستۋدەنتتەر مەن وقىتۋشى-پروفەسسورلىق قۇرامدى ءوزىنىڭ سايلاۋ الدى باعدارلاماسىمەن تانىستىردى.

«كەلەشەگىمىزدىڭ كەلبەتتى، بولاشاعىمىزدىڭ باياندى بولۋى بۇگىنگى جاستارعا تىكەلەي بايلانىستى. ويتكەنى ولار – ەرتەڭىمىزدى جاسايتىن بۇگىنىمىز»، – دەگەن ەدى ەل پرەزيدەنتى نۇرسۇلتان ءابىش ۇلى. باياندى بولاشاق، ەڭ الدىمەن، كىشكەنە الەۋمەتتىك ماسەلەلەردى شەشۋدەن باستاۋ الادى. «ءقازىر تۇرعىن ءۇي اۋلالارى تۇگەلدەي كولىككە تولى. بوستاندىق اۋدانىنىڭ كەي ايماقتارىندا ءالى كۇنگە دەيىن اۋىز سۋ مەن كوشەلەردى جارىقتاندىرۋماسەلەسى وزەكتى بولىپ تۇر. مەنىڭ باعدارلامامدا ەشقاندايدا ساياسي ماقسات جوق. مەنىڭ ماقساتىم – بولاشاق ۇرپاقتىڭ قامى، – دەدى، ەندى تەك كورگەنىن ايتاتىن الپىستى القىمداعان ازامات، – مەن ەندى ومىرلىك تاجىريبەمە، جۋرناليستىك كاسىبي قىزمەتىمە سۇيەنىپ، ەل يگىلىگى ءۇشىن قىزمەت ەتەمىن».

سونداي-اق، كەزدەسۋ بارىسىندا كوپ قاباتتى كولىك تۇراقتارىن سالۋ ماسەلەسى دە ءسوز بولدى. بيگەلدى عابدۋللين جينالعان قاۋىمنىڭ ءبىرقاتار سۇراقتارىنا جاۋاپ بەرىپ، جاستاردى سايلاۋعا بەلسەندى قاتىسۋعا شاقىردى.