كەشە لاس-ۆەگاستا بۇكىلالەمدىك بوكس قاۋىمداستىعىنىڭ (WBA) جارتىلاي اۋىر سالماقتاعى الەم چەمپيونى بەيبىت شۇمەنوۆ مەكسيكاندىق ەنريكە ورنەلاسپەن جەكپە-جەك وتكىزىپ، ءوز اتاعىن قورعاپ قالدى.

12 راۋندتىق جەكپە جەكتە ب.شۇمەنوۆ 120-108 ەسەبىمەن جەڭدى.  بارلىق تورەشىلەر دە قازاق بوكسشىسىن جەڭىمپاز دەپ تانىدى.

ايتا كەتەيىك، 1983 جىلى 19 تامىزدا شىمكەنتتە ومىرگە كەلگەن ب.شۇمەنوۆ بۇعان دەيىن 13 كەزدەسۋ وتكىزىپ ونىڭ 12-سىندە (8ء-ى نوكاۋتپەن) ۇتىپ، تەك ءبىر-اق رەت كۇماندى جاعدايدا جەڭىلىس تاپقان بولاتىن. بۇل 28 جاسار قازاقستاندىق 2009 جىلى 15 تامىزدا استانادا گابريەل كامپيللومەن چەمپيوندىق اتاق ءۇشىن بولعان جەكپە-جەكتە جەڭىلىس تاپقانىمەن، 2010 جىلى 29 قاڭتاردا لاس-ۆەگاستا وتكەن قارىمتا كەزدەسۋدە التىن بەلبەۋدى يەلەنگەن ەدى. ودان كەيىن ءوز اتاعىن 3 رەت ءساتتى قورعاپ شىققان بەيبىت 12 راۋندتىق سوڭعى كەزدەسۋىن 2011 جىلى 29 شىلدەدە دانني سانتيگومەن وتكىزىپ، وندا 9-راۋندا قارسىلاسىن تەكنيكالىق  نوكاۋتپەن جەڭگەن بولاتىن.

ال قارسىلاسى 31 جاستاعى ەنريكە ورنەلاس 1980 جىلى 19 قىركۇيەكتە گۋاناجۋاتودا ومىرگە كەلگەن. كاسىپقوي بوكس شارشى الاڭداعى 40 كەزدەسۋىنىڭ 33ء-ىن جەڭىسپەن (21ء-ى نوكاۋتپەن)، جەتەۋىن جەڭىلىسپەن (بىرەۋىندە نوكاۋتپەن) اياقتاعان. 2011 جىلى 17 جەلتوقساندا مەكسيكادا 10 راۋندىق كەزدەسۋدە حەريۆەرتو گۋتيەررەزدى 1-راۋندتا تەحنيكالىق نوكاتپەن جەڭگەن ەدى. بۇل ونىڭ 6 مامىردا گەرمانيادا روبەرت ستيليستەن جەڭىلىس تاپقاننان كەيىنگى ەكىنشى جەڭىسى بولاتىن.

مارلان جيەمباي

«قازاقپارات»