ءماجىلىس دەپۋتاتتىعىنا كانديدات ۇسىنعان پارتيالار اراسىنداعى ساياسي پىكىرسايىس 16 ناۋرىزدا وتەدى. مۇنداي شەشىم بۇگىن ق ر ورتالىق سايلاۋ كوميسسياسىنىڭ وتىرىسىندا قابىلدانعان، - دەپ حابارلايدى «قامشى» پورتالى قازاقپاراتقا سىلتەمە جاساپ.

«قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭنىڭ 12، 27 جانە 28 باپتارىنا سايكەس  20 ناۋرىزعا تاعايىندالعان پارلامەنت  ءماجىلىسى دەپۋتاتتارىن سايلاۋعا پارتيالىق تىزىمدەرىن ۇسىنعان پارتيالاردىڭ ساياسي پىكىرسايىسىن ۇيىمداستىرۋ تۋرالى قاۋلى جوباسىن نازارلارىڭىزعا ۇسىنامىن. پىكىرسايىستىڭ «حابار» تەلەارناسىندا ۇيىمداستىرىلۋىن جانە 2016 جىلعى 16 ناۋرىزدا وتكىزۋ ۇسىنىسىن ەنگىزەمىن»، - دەدى قاۋلى جوباسىمەن تانىستىرعان ق ر وسك مۇشەسى ءلاززات سۇلەيمەن.

سونىمەن قاتار ول ساياسي پىكىرسايىس  وتكىزۋ رەگلامەنتىنىڭ جوباسىن دا ۇسىندى.

«ساياسي پىكىرسايىس پارلامەنت ءماجىلىسى دەپۋتاتتارىن سايلاۋعا پارتيالىق تىزىمدەرىن ۇسىنعان ساياسي پارتيالاردىڭ ءارقايسىسىنىڭ پىكىرسايىسقا قاتىسۋعا كەلىسىمى بويىنشا وتكىزەدى. وسك پىكىرسايىس ءۇشىن بەلگىلەنگەن ەفير ۋاقىتىن پىكىرسايىسقا قاتىسۋعا نيەت بىلدىرگەن ساياسي پارتيالاردىڭ اراسىندا تەڭ جاعدايدا بولەتىن بولادى»، - دەگەن ول پىكىرسايىستىڭ 90 مينۋتتاق دەيىن سوزىلۋى مۇمكىن ەكەنىگىن اتاپ ءوتتى. 

ق ر وسك مۇشەلەرى قاۋلى جوباسىن ءبىراۋىزدان قابىلدادى.

پىكىرسايىسقا قاتىسۋ ءۇشىن سايلاۋعا قاتىسۋشى ءاربىر ساياسي پارتيادان ءبىر وكىلدەن شاقىرىلادى. قاتىسۋشىلار جەكە باستى قارالاۋدان، ساياسي پارتيانىڭ، ونىڭ مۇشەلەرىنىڭ نامىسىنا، ابىرويى مەن ىسكەرلىك بەدەلىنە كورىنەۋ نۇقسان كەلتىرەتىن ءسوز ايتۋدان، باسقا ساياسي پارتيالاردىڭ وكىلدەرىن كەمسىتۋدەن اۋلاق بولىپ، جالپىعا بىردەي قابىلدانعان ادەپ نورمالارىن ساقتاۋعا ءتيىس.

رەسپۋبليكانىڭ كونستيتۋسيالىق قۇرىلىسىن كۇشتەپ وزگەرتۋدى، ونىڭ تۇتاستىعىن بۇزۋدى، مەملەكەت قاۋiپسiزدىگىنە نۇقسان كەلتiءرۋدى، الەۋمەتتىك، ءناسىلدiك، ۇلتتىق، دiني، تەكتiك-توپتىق جانە رۋلىق ارازدىقتى قوزدىرۋدى، قاتىگەزدiك پەن زورلىق-زومبىلىققا باس ۇرۋدى، سونداي-اق زاڭنامادا كوزدەلمەگەن اسكەريلەندiرىلگەن قۇرالىمدار قۇرۋدى ناسيحاتتاۋعا جانە ۇگىتتەۋگە جول بەرىلمەيدى.