بۇگىن، 14 ناۋرىزدا قاراعاندى قالاسىنداعى «سارىارقا» ارنايى ەكونوميكالىق ايماقتىڭ اۋماعىندا العاشقى قازاقستاندىق پاترون زاۋىتى قۇرىلىسىنىڭ باستالۋىنا ارنالعان ءراسىم ءوتتى، - دەپ حابارلايدى «قامشى» پورتالى قورعانى مينيسترلىگىنىڭ باسپا ءسوز قىزمەتىنە سىلتەمە جاساپ.
وعان قورعانىس ءمينيسترى يمانعالي تاسماعامبەتوۆ پەن «قازتەحنولوگيالار» اق باسقارما ءتوراعاسى مەدەر ماسەلوۆ قاتىستى.
بۇل جوبا قازاقستان پرەزيدەنتى، قارۋلى كۇشتەردىڭ جوعارعى باس قولباسشىسى نۇرسۇلتان نازاربايەۆتىڭ تاپسىرماسى بويىنشا ازىرلەندى.
ۇلتتىق قاۋىپسىزدىكتىڭ قاجەتتى دەڭگەيىن قامتاماسىز ەتۋ، قازاقستاندىق ءونىمدى ارتتىرۋ، سونداي-اق اتىس قارۋىنا ارنالعان قولدا بار پاترونداردىڭ قورىنىڭ ازايتىلۋىن نازارعا الا وتىرىپ، ق ر قارۋلى كۇشتەرىندە اناعۇرلىم سۇرانىسقا يە 5،45*39 مم، 7،62*54 مم، 9*18 مم، 9*19 مم كاليبرلى پاترونداردى ءوندىرۋ بويىنشا زاۋىت قۇرۋ جوسپارلانۋدا. وسى جوبا شەڭبەرىندە «سارىارقا» ارنايى ەكونوميكالىق ايماعىنىڭ اۋماعىندا عيمارات كەشەنى مەن پاتروندىق زاۋىتتىڭ قۇرىلىسىن سالۋ جوسپارلانۋدا. ارنايى ەكونوميكالىق ايماقتىڭ اۋماعىندا بارلىق ينجەنەرلىك كوممۋنيكاسيالار، اۆتو جانە تەمىرجول كولىگى بار. بۇل ورتالىقتاندىرىلعان تۇردە الاڭنان تىس ينجەنەرلىك ماگيسترالدارعا ىشكى الاڭدىق جەلىلەردى قوسۋ، سونداي-اق قازاقستاننىڭ كەز-كەلگەن وڭىرىنە قارۋ-جاراق قويمالارىنا ءاۆتوموبيلدى جانە تەمىرجول كولىگىمەن ءونىمدى شىعارۋدى جۇزەگە اسىرۋ مۇمكىندىگىن بەرەدى. قۇرىلىستىڭ جالپى اۋدانى 26 400 شارشى مەتردى قۇرايدى. قۇرىلىس جۇمىستارىن اياقتاۋ 2017 جىلدىڭ جەلتوقسان ايىنا جوسپارلانعان.
«پاترون زاۋىتى ۇزاق جىلدار بويى ەل ىشىندە شيكىزات پەن ماتەريالدار تاسىمالداۋعا سۇرانىستى تۇراقتى قامتاماسىز ەتەدى. جەز سياقتى قورىتپانىڭ 300 تونناسىن قولدانۋ ايماقتاعى مامانداندىرىلعان كاسىپورىننىڭ جۇمىسىن جانداندىرادى. ارنايى ەكونوميكالىق ايماق ءتارتىبى جاعدايىندا دا قازاقستاندىق پاترون زاۋىتى سالىق تۇرىندە ءوڭىردىڭ بيۋدجەتىنە جىلىنا 680 ملن تەڭگە قارجى تۇسىرەدى. بۇل ءبىزدىڭ ەڭ قاراپايىم بولجام» - دەپ اتاپ ءوتتى «كازتەحنولوگيي» اق باسقارما ءتوراعاسى مەدەر ماسەلوۆ.
اتالعان ءوندىرىستىڭ جۇمىسى قازاقستاننىڭ ۇزاق مەرزىمدى اتىس قارۋ-جاراعىنىڭ وق-دارىلەرىن وندىرەتىن ەلدەر قاتارىنا ەنۋىنە مۇمكىندىك بەرەدى. ءقازىردىڭ وزىندە «كازتەحنولوگيي» اق زاۋىت ءونىمىن ەكسپورتتاۋ بويىنشا كەلىسسوزدەر جۇرگىزۋدە. اتاپ ايتقاندا، «Kadex-2016» كورمەسى اياسىندا ءار ءتۇرلى مەملەكەتتەرگە ءونىم جەتكىزۋ جونىندە كەلىسىمگە قول قويۋ جوسپارلانىپ وتىر.
قازىرگى ۋاقىتتا قازاقستان رەسپۋبليكاسىندا اتىس وق-دارىلەرى شىعارىلمايتىنىن ايتا كەتەيىك. بۇل رەتتە قورعانىس مينيسترلىگىنىڭ مۇقتاجدىعى ءۇشىن اعىمداعى پاتروندارداعى قاجەتتىلىك كسرو-نىڭ قۇلدىراۋىنا دەيىن قۇرىلعان قورلار ەسەبىنەن جابىلادى. قازاقستان رەسپۋبليكاسىنىڭ قارۋلى كۇشتەرىن وق-دارىلەرمەن قامتاماسىز ەتۋ ءۇشىن قازاقستاندىق شيكىزات پەن ماتەريالدار پايدالانىلادى. بۇل جەتكىزۋشى ەلدەردەن تاۋەلسىز بولۋعا مۇمكىندىك بەرەدى. قازاقستان رەسپۋبليكاسى قارۋلى كۇشتەرىنىڭ وق-دارىلەرمەن قامتاماسىز ەتىلۋى جالپى العاندا، ەلدىڭ جانە ءوڭىردىڭ اسكەري-ساياسي قاۋىپسىزدىگىن ارتتىرادى.
پاترونداردى ءوندىرۋ بويىنشا جابدىقتى كانادالىق Waterbury Farrel كومپانياسى جەتكىزەتىن بولادى. قازاقستاندىق پاترون زاۋىتى ءوندىرۋ قۋاتتىلىعى جىلىنا 30 ملن. دانانى قۇرايتىن پاترونداردى شىعارۋعا ارنالعان وزىق قۇرالمەن جابدىقتالادى. تەحنولوگيالىق جابدىق يننوۆاسيالىق تەحنولوگيالاردى قولدانا وتىرىپ، الەمدىك ساپا ستاندارتىنا سايكەس كەلەدى. قۇراستىرۋ جانە ىسكە قوسۋدى دايىنداۋ جۇمىستارى 2017 جىلى وتەدى. مونتاجداۋ جۇمىستارى وندىرىستىك پەرسونالدى وقىتۋمەن بىرىكتىرىلەدى. جاڭا 164 جۇمىس ورنى قۇرىلادى. وسىلايشا، اۋقىمدى ماقساتتا قولدانىلاتىن ءوق-دارى شىعارۋ بويىنشا كلاستەر قۇرۋ جوسپارلانۋدا.
پىكىر قالدىرۋ