ەكس-پرەمەر سەرىك احمەتوۆ جانە تاعى 12 ايىپتالۋشىنىڭ اپەللياسيالىق شاعىمىن قاراعان قاراعاندى وبلىستىق اپەللياسيالىق القاسى قاۋلى شىعاردى، - دەپ حابارلايدى «قامشى» پورتالى.

سوت قاۋلىسىن قاراعاندى وبلىستىق سوتى اپەللياسيالىق القاسىنىڭ ءتوراعاسى راشيد نۇرماعامبەتوۆ وقىدى.

سوت سەرىك احمەتوۆتىڭ جازاسىن 10 جىلدان 8 جىلعا، قاراعاندى وبلىسىنىڭ بۇرىنعى اكىمى باۋىرجان ابدىشيەۆتىڭ جازاسىن 5 جىلدان 3 جىلعا قىسقارتۋ تۋرالى قاۋلى قابىلدادى. سونداي-اق، باۋىرجان ابدىشيەۆتىڭ ورىنباسارى بولعان عابيت مۇحامبەتوۆتىڭ، قاراعاندى قالاسى اكىمىنىڭ بۇرىنعى ورىنباسارى ايدار تەلعاريننىڭ، «سارىارقا» اكك بۇرىنعى دەپارتامەنت باسشىسى ەرلان قيسىقوۆتىڭ جازاسىنان مۇلكىن تاركىلەۋ تۋرالى تالاپ الىنىپ تاستالدى. «قازاگرو» اق بۇرىنعى باسشىسى دۋلات ايتجانوۆ پەن قاراعاندى وبلىسى اكىمىنىڭ بۇرىنعى ورىنباسارى عابيت مۇحامبەتوۆتىڭ جازاسى شارتتى مەرزىمگە اۋىستىرىلدى.

سوت قاۋلىسى جاريا ەتىلگەن ساتتەن باستاپ كۇشىنە ەنەدى.

ەستەرىڭىزگە سالساق، وتكەن جىلدىڭ جەلتوقسان ايىندا سەرىك احمەتوۆپەن بىرگە 20 لاۋازىمدى تۇلعا جەمقورلىق قىلمىسقا قاتىستى ايىپتالىپ، سوت ۇكىمى شىققان بولاتىن. وندا قاراعاندى وبلىسىنىڭ بۇرىنعى اكىمى ب. ابدىشيەۆتى 5 جىلعا، قاراعاندى قالاسىنىڭ بۇرىنعى اكىمى مەيرام سماعۇلوۆتى 3 جىلعا، قالعان شەنەۋنىكتەردى 3-تەن 7 جىلعا دەيىن باس بوستاندىعىنان ايىرۋ تۋرالى ۇكىم شىققان بولاتىن. 10 ناۋرىز كۇنى اتالعان ازاماتتاردىڭ اپەللياسيالىق شاعىمىن قاراۋ باستالعان ەدى.

اپەللياسيالىق شاعىم قارالعانعا دەيىن س. احمەتوۆتىڭ تۋىستارى مەن دوستارى 2،2 ملرد تەڭگە كولەمىندە كەلتىرىلگەن شىعىندى قازىناعا قايتارعان بولاتىن.

ۆيدەو Informburo.kz سايتىنان الىندى.