قحر-نىڭ شىڭجاڭ-ۇيعىر اۆتونوميالىق ولكەسى (ءشۇاو) ءۇرىمجى قالاسىندا قازاقستاندىق 25 جاستاعى ازامات ەربول سۋحانوۆ قازا تاپتى. ول سونداعى «ادەمى» ءدامحاناسىندا كاسسير بولىپ جۇمىس ىستەگەن، - دەپ حابارلايدى «قامشى» پورتالى قازاقپاراتقا سىلتەمە جاساپ.

ساعات 15:00-دە جەرگىلىكتى پوليسيا ۋچاسكەسىنە ءدامحانا يەلەرى قابىل شالقار مەن بولات جاقىپوۆ كەلىپ، جىگىتتىڭ وزىنە-وزى قول سالعانى تۋرالى ايتتى. ولاردىڭ ايتۋىنشا، ول 14 ناۋرىز كۇنى شامامەن ساعات 8-دە سوڭعى ءۇش كۇندە تۇرىپ جۇرگەن ءقوناقۇيدىڭ ارتقى اۋلاسىندا اسىلىپ قالعان.

ولار ە.سۋحانوۆتىڭ 100 مىڭ دوللاردى ۇرلاعانىن انىقتاعانىن، بۇل جايت بەينەباقىلاۋ تاسپاسىنداعى جازبامەن راستالعانىن ايتتى. ە.سۋحانوۆ ولارعا اقشانى قايتاراتىنى تۋرالى قولحات تولتىرىپ بەرگەن.

پوليسيا ە.سۋحانوۆقا قاتىستى زورلىق ارەكەتتەرىنىڭ بەلگىلەرىن انىقتاعان جوق. تەرگەۋ امالدارى جۇرگىزىلۋدە.

قازىرگى ۋاقىتتا قازا تاپقان ازاماتتىڭ اتا-اناسى ءشۇاو-نىڭ اۋماعىنا كىرىپ، بالاسىنىڭ دەنەسىن الىپ كەتۋ ءۇشىن قۇجاتتاردى رەسىمدەپ جاتىر.