رەسەيلىك اۋە كۇشتەرىنىڭ العاشقى لەگى سيريانىڭ «حمەيميم» اسكەري اۋە بازاسىن تاستاپ شىقتى، - دەپ حابارلايدى «قامشى» پورتالى.
رف قورعانىس مينيسترلىگى اۋە بازاسىنان اسكەري ۇشاقتاردىڭ كوتەرىلگەن ءساتىنىڭ ۆيدەوسىن جاريالادى. العاشقى لەكتە اسكەري-كولىكتىك اۆياسيانىڭ تۋ-154، يل-76 ۇشاقتارى اۋەگە كوتەرىلگەن.
كەشە قورعانىس ءمينيسترى سەرگەي شويگۋدى قابىلداعان رف باسشىسى ۆ. پۋتين وعان سيريادان اسكەردى شىعارۋ تۋرالى بۇيرىق بەرگەن ەدى.
قىركۇيەك ايىنان بەرى رەسەي اسكەريلەرى سيريا اۋماعىندا ارنايى وپەراسيالار جۇرگىزۋدە. سودان بەرى رەسەيلىك اۋە كۇشتەرى 9 مىڭ رەت كوككە كوتەرىلىپ، 2 مىڭ سودىردىڭ كوزىن جويدى دەپ باياندادى س. شويگۋ.
پىكىر قالدىرۋ