پاۆلودار وبلىسىندا جۇمىس ساپارىمەن جۇرگەن ەلباسى «B.B.NURA» جشس-عا تيەسىلى نەفرولوگيا جانە ەففەرەنتتى تەراپيا ورتالىعىندا بولدى، - دەپ حابارلايدى «قامشى» پورتالى اقوردانىڭ باسپا ءسوز قىزمەتىنە سىلتەمە جاساپ.

دەنساۋلىق ساقتاۋ مەكەمەسىنە باس سۇققان ن. نازاربايەۆ  ورتالىقتىڭ ماتەريالدىق-تەحنيكالىق بازاسىمەن تانىسىپ، ماماندارىمەن كەزدەستى. ەلباسى كەزدەسۋدە حالىق ءومىرىن جاقسارتۋدا دەنساۋلىق ساقتاۋ سالاسىنىڭ ماڭىزى تۋرالى ايتتى.

«وسى ۋاقىتقا دەيىن ەل اۋماعىندا 1300 دەنساۋلىقساقتاۋ نىسانى سالىندى. وسىنىڭ ارقاسىندا 10 جىل ىشىندە ادامداردىڭ ورتاشا ءومىر جاسى 72 جاسقا دەيىن ۇلعايدى. داعدارىسقا قاراماستان ءبىز 1 قاڭتاردان باستاپ مەديسينا قىزمەتكەرلەرىنىڭ ەڭبەكاقىسىن 28 پايىزعا وسىردىك»، - دەگەن ەلباسى دارىگەرلەر قاۋىمى تۋرالى كۇلدىرگى اڭگىمە ايتۋدى دا ۇمىتپادى.

«مىنا ورتالىق مەملەكەتتىك-جەكە مەنشىك ارىپتەستىگى اياسىندا سالىنعانى ماعان ۇناپ وتىر. مۇنداي ورتالىقتار ەلدىڭ بارلىق ايماقتارىندا بولۋى ءتيىس. سىزدەر دارىگەرلەردىڭ ءۇش ءتۇرى بولاتىنىن بىلەسىزدەر مە؟ دارىگەرلەر «قۇداي بەرگەن»، «قۇدايعا قاراعان» جانە «قۇداي ساقتاسىن» دەگەن ءۇش تۇرگە بولىنەدى. پااۆلوداردا سول ناعىز «قۇداي بەرگەن» دارىگەرلەر جۇمىس ىستەيدى»، - دەدى ەلباسى.

دارىگەرلەر بولسا، ءوز كەزەكتەرىندە نۇرسۇلتان ءابىشۇلىنا دەنساۋلىقساقتاۋ سالاسىنا تۇسىنىستىكپەن قاراعانى ءۇشىن ريزاشىلىقتارىن ءبىلدىردى.