ۇلتتىق عىلىم اكادەمياسىنىڭ اكادەميگى عاريفوللا ەسىم جاڭا ءبىلىم جانە عىلىم مينيسترىنە ەلىمىزدەگى وقۋ ورىندارىنىڭ وقۋشىلارىنا 14-22 ناۋرىز ارالىعىندا دەمالىس جاريالاۋ تۋرالى ۇسىنىس جاسادى، - دەپ حابارلايدى «قامشى» پورتالى.

«14-22 ناۋرىز ارالىعىن «ناۋرىز دەمالىستارى» دەپ جاريالاۋدى ۇسىنامىن»، - دەيدى عاريفوللا ەسىم.

عالىمنىڭ ايتۋىنشا، كۇن مەن ءتۇن تەڭەلگەن تۇستا وقۋشىلار مەن ستۋدەنتتەردىڭ جاس اعزاسى دەمالىستى قاجەت ەتەدى ەكەن.

«22 ناۋرىزدان باستاپ جارىق كوبەيەدى، تۇنگى ۋاقىت قىسقارادى. سوعان ساي ءبىز دە اعزانى دايىنداۋىمىز كەرەك. وسى ۋاقىتتا اسىرەسە، جاسوسپىرىمدەر ءۇشىن تىنىعۋ كەرەك، بەيىمدەلۋ ۋاقىتى قاجەت. بۇعان «ناۋرىز دەمالىستارى» وڭتايلى بولار ەدى»، - دەيدى عالىم.

«بۇل تۋرالى مەن ماقالالارىمدا بىرنەشە رەت جازعانمىن. بىلتىردان بەرى ايتىپ كەلەمىز. ءبىزدىڭ جاڭا ءبىلىم جانە عىلىم ءمينيسترىمىز وسى تۋرالى جاقسىلاپ ويلانىپ، كەلەسى جىلدان باستاپ دەمالىس جاريالاسا بولادى. وقۋ باعدارلامالارىن سايكەستەندىرۋ اسا قيىن جۇمىس ەمەس دەيدى»، - عاريفوللا ەسىم مىرزا.