ورتا مەكتەپ تۇلەكتەرى ۇلتتىق ءبىرىڭعاي تەستىلەۋدى ەكى قايتارا تاپسىرۋعا مۇمكىندىك الادى. تەك ەكىنشى جولى سىناقتى اقىلى نەگىزدە تاپسىرادى، - دەپ حابارلايدى «قامشى» پورتالى ءبىلىم جانە عىلىم مينيسترلىگى تاراتقان حابارلاما نەگىزىندە.

«ۇبت تۇلەكتەر ءۇشىن تاعدىر شەشتى وقيعا ەكەنىن جاقسى تۇسىنەمىز. وسى سىناق ناتيجەسىندە بىرەۋلەر تەك وقۋعا ءتۇسىپ قانا قويمايدى، التىن بەلگى، مەملەكەتتىك ءبىلىم گرانتى يەگەرى اتانادى. ونىڭ ۇستىنە سىناق تاپسىراۋ ورتالىعى ءبىر تۇلەكتىڭ ءۇيىنىڭ جانىندا بولسا، ەندى ءبىر تالاپكەرلەر 200 شاقىرىم جەردەن ارنايى كەلىپ، تەست تاپسىرادى. سوندىقتان، جاستارعا ەكىنشى مۇمكىندىك ۇسىنىلۋى كەرەك»، - دەيدى مينيستر ەرلان ساعادييەۆ.

ەستەرىڭىزگە سالساق، وتكەن جىلى ۇبت تاپسىرا الماعان مەكتەپ تۇلەكتەرىنىڭ سانى 46 مىڭ شاماسىندا بولعان. بۇل كورسەتكىش جىل سايىن ءوسۋ باعىتىندا وزگەرىپ وتىرعانىن ايتا كەتۋ كەرەك. ءسويتىپ، جىل سايىن 100 مىڭعا جۋىق مەكتەپ تۇلەگى جوعارى وقۋ ورنىنا ءتۇسۋ مۇمكىندىگىنەن ايرىلۋدا.