بۇگىن اقپارات قۇرالدارى «قازاقستاندا پەدوفيلدەر پىشتىرىلەتىن بولدى» دەگەن تاقىرىپپەن اقپارات تاراتۋدا. ارىپتەستەر ءبىرشاما اسىعىستىق تانىتقان سياقتى. دۇرىسى پارلامەنتتىڭ جوعارى پالاتاسى پلەنارلىق وتىرىسىندا اكىمشىلىك قۇقىقبۇزۋشىلىق، قىلمىستىق كودەكس سىندى ءبىرقاتار زاڭنامالارعا پەدوفيلدەردى جازالاۋ جونىندە وزگەرىستەر مەن تولىقتىرۋلار ەنگىزۋ تۋرالى زاڭ جوباسىن قاراپ، ماقۇلدادى.
ءبىراق، «ءپىشتىرۋ» دەگەنى ءسىز ويلاعانداي ەمەس. حيميالىق جولمەن مەديسينا قىزمەتكەرلەرى جۇزەگە اسىراتىن ءبىر رەتتىك، ۋاقىتشا شارا. ودان ەشكىم ءبىرجولا «سونداي» بوپ قالمايتىنىن سەناتور ءبىرعانىم ءايتىموۆا دا ءتۇسىنلىرىپ بەرىپتى.
"حيميالىق كاستراسيا - بۇل ۋاقىتشا نارسە، ول ادامعا جىنىستىق زورلىق جونىندە ەسكەرتۋ جاساۋ ءۇشىن قاجەت. سونىمەن قاتار، بۇل ءبىر رەتتىك ينەكسيا. بۇل دەگەنىمىز ينەكسيا جاسالدى، ەندى ول ءومىر بويى سونداي بولىپ قالادى دەگەندى بىلدىرمەيدى. مۇلدە ولاي ەمەس. بۇل مەديسينالىق ۇيىمداردىڭ سوت شەشىمى شىققان جاعدايدا عانا جۇزەگە اسادى. وزگەرىس تالقىلاندى، ەگەر ءبىز وسىلايشا تىم بولماسا ءبىر بالانىڭ ءومىرىن ساقتاپ قالساق، ونى ىستەۋگە بولادى دەپ ويلايمىن. بۇل دەگەنىڭىز قالىپتى جاعداي ەمەس، ولار پسيحيكالىق اۋرۋعا شالدىققاندار نەمەسە وزگە دە اۋىتقۋشىلىعى بارلار دەگەن ءسوز. بالالاردى قورعاۋ ءۇشىن ءبارىن جاساۋىمىز كەرەك. بۇل جەتىم بالالارعا عانا قاتىستى ەمەس، بۇل ەلىمىزدىڭ بارلىق بالالارىنا قاتىستى. الەمدە مۇنداي تاجىريبە بار جانە ءبىز دە مۇنىمەن كۇرەسۋگە ءتيىسپىز"، - دەيدى ءبىرعانىم ءايتىموۆا.
ءبىزدىڭ ايتپاعىمىز باسقا. ادامدىقتان الشاق ارەكەتكە بارعان ايۋان قانداي جازاعا تارتىلسا دا وبالى جوق. ءتىپتى، مۇنداي قىلمىسكەرلەردى ءولىم جازاسىنا كەسىپ جاتسا دا قارسىلىق تانىتپاس ەشكىم. ماسەلە، سونداي قىلمىستارعا سەبەپ بولاتىن جاعدايلار تولىق زەرتتەلدى مە؟ پەدوفيلدەر پسيحولوگياسىنا ءۇڭىلىپ، ولاردىڭ قانداي سەبەپتەرمەن جاس بالالارعا قول سالۋعا باراتىنىن زەرتتەگەندەر بار ما؟ مىنە، وسى ايتپاعىمىز.
پەدفويلدەرگە قاتىستى كاستراسيا شاراسىن قولدانۋدى ۇسىنعان پروكۋرور مىرزالار وسى ماسەلەنىڭ سەبەبىنە ءبىرشاما ءۇڭىلىپ، بۇعان بالالارىن اشىق-شاشىق كيىندىرەتىن اتا-انالاردىڭ دا، مەكتەپ وقۋشىلارىنىڭ، اسىرەسە، جوعارى سىنىپ وقۋشىلارىنىڭ ءجۇرىس-تۇرىسىنا تولىق باقىلاۋ جاسامايتىن وقۋ ورىندارىنىڭ دا كىناسى بار دەگەندەي وي ايتىپتى. بۇعان دا نازار اۋدارۋ كەرەك سياقتى شىنىمەن...
قادىر بەك
پىكىر قالدىرۋ