«بولاشاق» شاكىرتاقىسىنا قۇجاتتاردى قابىلداۋ 11 ساۋىردە باستالادى، - دەپ حابارلايدى «قامشى» پورتالى قازاقپاراتقا سىلتەمە جاساپ.

بۇل تۋرالى بۇگىن ورتالىق كوممۋنيكاسيالار قىزمەتىندەگى بريفينگتە ق ر ءبىلىم جانە عىلىم مينيسترلىگى «حالىقارالىق باعدارلامالار ورتالىعى» اق پرەزيدەنتى عاني نىعىمەتوۆ ءمالىم ەتتى.

«بيىل 700 ستيپەنديا ءبولىنىپ وتىر. بارشا وڭىرلەردە كونكۋرس بويىنشا تولىق اقپاراتتى تاراتاتىن بولامىز. قۇجاتتاردى قابىلداۋ 2016 جىلعى  ءۇش كەزەڭدە جۇرگىزىلەدى، ياعني 11 ساۋىردەن 13 مامىرعا دەيىن، 13 ماۋسىمنان 29 شىلدەگە دەيىن جانە 15 تامىزدان 15 قىركۇيەككە دەيىنگى ارالىقتا ىسكە اسىرىلادى»، - دەپ توقتالدى ع. نىعىمەتوۆ.

قۇجاتتاردى ەلەكتروندى ۇكىمەت ۆەب-پورتالى، «ازاماتتار ءۇشىن ۇكىمەت» مەملەكەتتىك كورپوراسيسى ارقىلى (بۇرىنعى حقكو)، سونداي-اق «حالىقارالىق باعدارلامالار ورتالىعىنا» بارىپ تاپسىرۋعا بولادى.