تۇركيانىڭ ىستامبۇل قالاسىندا بۇگىن بولعان جارىلىستان 5 ادام قازا تاۋىپ، تاعى 36 ادام ءتۇرلى جاراقات العان، - دەپ حابارلايدى «قامشى» پورتالى ريا نوۆوستي – گە سىلتەمە جاساپ.

ىستامبۇلدىڭ يستيكليال الاڭىندا ساۋدا ورىندارىنىڭ ماڭىندا جانكەشتى جارىلعىش زاتتى ىسكە قوسقان. جارىلىستان جانكەشتىنىڭ وزىمەن قوسا بەس ادام كوز جۇمىپ، 36 ادام ءتۇرلى جاراقات العان.

زارداپ شەككەندەر ىشىندە گەرمانيا، يران مەن يزرايل ازاماتتارى بار.

«لاڭكەستىك ارەكەت سالدارىنان بەس ادام قازا بولدى. اۋرۋحانالارعا جاراقات العان 36 ادام جاتقىزىلدى. ولاردىڭ جەتەۋىنىڭ جاعدايى اۋىر. جاراقاتتانعاندار ىشىندە 12 شەتەل ازاماتى بار»، - دەپ حابارلاعان تۇركيانىڭ دەنساۋلىق ساقتاۋ ءمينيسترى مەحمەت مۇيىزەنوعلۇ.

جارىلىس بولعان اۋداندا رف مەن تاعى بىرنەشە ەلدىڭ ەلشىلىك عيماراتتارى ورنالاسقانىن ايتا كەتۋ كەرەك.