بۇگىن قازاقستان حالقى اسسامبلەياسى اتىنان سايلاناتىن كانديداتتار ءۇشىن داۋىس بەرۋدى اياقتادى، - دەپ حابارلايدى «قامشى» پورتالى قازاقپاراتقا سىلتەمە جاساپ.

«سايلاۋشىلاردىڭ جالپى سانى - 446 ادام. سايلاۋ بيۋللەتەندەرىن العان سايلاۋشىلاردىڭ سانى - 372. داۋىس بەرۋگە 372 سايلاۋشى قاتىستى. ۇمىتكەرلەرگە بەرىلگەن داۋىستاردىڭ سانى كەلەسىدەي: ءابدراxمانوۆ ساۋىتبەك ءابدراxمان ۇلى - 345، بوجكو ۆلاديمير كارپوۆيچ - 349، جۇمادىلدايەۆا ناتاليا ۆاسيليەۆنا - 343، كيم رومان ۋحەنوۆيچ - 346، ميكاەليان نارينە گاملەتوۆنا - 336، مۋرادوۆ احمەد سەيداراحمانوۆيچ - 339، نۋرۋموۆ شايماردان ۋساينوۆيچ - 337، تيموششەنكو يۋريي ەۆگەنيەۆيچ - 341، حاحازوۆ شاكير حۋساينوۆيچ - 342»، - دەلىنگەن استانا قالالىق سايلاۋ كوميسسياسىنىڭ xاتتاماسىندا.  «ق ر سايلاۋ تۋرالى» ق ر كونستيتۋسيالىق زاڭىنىڭ 94-1 - بابىنا سايكەس، قحا سايلايتىن ق ر پارلامەنتى ءماجىلىسىنىڭ دەپۋتاتتارىن سايلاۋ ناتيجەلەرى ق ر ورتالىق سايلاۋ كوميسسياسىنا جولدانادى. ق ر پارلامەنتى ءماجىلىسىنىڭ دەپۋتاتتىعىنا سايلانعان ۇمىتكەرلەردىڭ ءتىزىمىن ورتالىق سايلاۋ كوميسسياسى 27 ناۋرىزعا دەيىن جاريالاۋى ءتيىس.

«الدىن الا ناتيجەلەر جاريالاندى. نەگىزگى قورىتىندىسىن ق ر ورتالىق سايلاۋ كوميسسياسى شىعارادى. بۇگىن ەلباسى نۇرسۇلتان نازاربايەۆ استانادا قحا سايلايتىن ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىندا داۋىس بەردى»، - دەپ اتاپ ءوتتى قازاقستان xالقى اسسامبلەياسى ءتوراعاسىنىڭ ورىنباسارى ەرالى توعجانوۆ.

ايتا كەتەيىك، ق ر پارلامەنتى ماجىلىسىندە 107 دەپۋتات بار، ونىڭ 98ء-ى پارتيالىق ءتىزىم بويىنشا، 9-ى قازاقستان حالقى اسسامبلەياسى اتىنان سايلانادى.

ەسكە سالا كەتەيىك، 2 ناۋرىز كۇنى قحا اتىنان 9 ۇمىتكەر: ابدراحمانوۆ ساۋىتبەك ابدراحمان ۇلى، بوجكو ۆلاديمير كارپوۆيچ، جۇمادىلدايەۆا ناتاليا ۆاسيليەۆنا، كيم رومان ۋحەنوۆيچ، ميكاەليان نارينە گاملەتوۆنا، مۋرادوۆ احمەد سەيداراحمانوۆيچ، نۋرۋموۆ شايماردان ۋساينوۆيچ، تيموششەنكو يۋريي ەۆگەنيەۆيچ، حاحازوۆ شاكير حۋساينوۆيچ تىركەلگەن بولاتىن.