بۇگىن «اق جول» پارتياسىنىڭ جەتەكشىسى ازات پەرۋاشيەۆ ءماجىلىس سايلاۋىنا ايقىن داۋىسپەن جەڭىسكە جەتكەن «نۇر وتان» پارتياسىنىڭ جەتەكشىسى، ۇلت كوشباسشىسى نۇرۇسلتان نازاربايەۆتى پارتيا جەڭىسىمەن قۇتتىقتادى. ول ءوز پارتياسىنىڭ الدىڭعى سايلاۋ ناتيجەسىنەن از داۋىس جيناعانىن، الايدا، بارعا قاناعات تۇتاتىنىن ايتتى، - دەپ حابارلايدى «قامشى» پورتالى.

«بىزگە شامامەن جەتى ورىن بەرىلۋى مۇمكىن. ورتالىق سايلاۋ كوميسسياسى بىزگە قانشا بەرىلەتىنىن جاريالاۋى كەرەك، سونى كورەمىز. پروسەنتتەرگە قاراساق 0،2 پايىزعا تومەندەۋ بايقالادى. ءبىراق، ول قورقىنىشتى ەمەس. بيزنەستى قولداۋ ماسەلەلەرى تۇراقتىلىق پەن تىنىشتىقتان كەيىن، ەكىنشى ورىندا تۇرادى»، - دەپ مالىمدەگەن ا. پەرۋاشيەۆ مىرزا.

وسىلايشا، جىلداعى داستۇرمەن «اق جول» جەتەكشىسى باردى قاناعات تۇتىپ، «نۇر وتاننىڭ» جەڭىسىن مويىندادى. ەندىگى ماسەلە، «اقجولدىقتاردىڭ» بيلىك كەسىپ بەرگەن ورىندى ءوزارا قالاي بولىسكە سالاتىنىندا. وسى جەردە ءبىراز قىزىق بولعالى تۇر. پارتيا سايلاۋ الدىندا 35 ادامنان تۇراتىن ۇمىتكەرلەر ءتىزىمىن ۇسىنعان. الدىڭعى شاقىرىلىمداعى ءماجىلىس دەپۋتاتى بولعان ا. پەرۋاشيەۆتىڭ ءوزى مەن ن. جازىلبەكوۆ، س. قادىرالييەۆا، ا. تۇرتايەۆ سىندى ساياساتكەرلەر الفاۆيتتىك رەت بويىنشا ءتىزىمنىڭ تومەنگى جاعىندا تۇر. ءتىزىمدى وسى رەتپەن (الفاۆيتتىك تارتىپپەن) باستاپ تۇرعان جەتى ۇمىتكەردىڭ بىرەۋى عانا (ازامات ابىلتايەۆ) وتكەن شاقىرىلىم دەپۋتاتى بولعان كانديدات، قالعان التاۋى – ەلدىڭ ءار وبلىسىنداعى كاسىپورىن باسشىلارى مەن بيزنەسمەندەر. وسى جولى ينتەلليگەنسيا اتىنان پارتيا تىزىمىنە ەنگەن اقىن، جۋرناليست قازىبەك يسا تىزىمدە 16-ورىندا، پارتيانىڭ قۇرىلعان ساتىنەن باستاپ، ورتالىق ورگاندارىندا قىزمەت اتقارىپ كەلگەن تانىمال ساياساتكەر ءبورىحان نۇرمۇحامەدوۆ 27-ورىندا. دەمەك، ەگەر پارتيا تىزىمدەگىلەردىڭ ورنىن قوزعالتپاي، الفاۆيتتىك تارتىپپەن ۇمىتكەرلەرىن ماجىلىسكە اتتاندىرسا، ەل تانىمايتىن، ەسىمدەرى تەك بيزنەس سالاسىنا عانا ءمالىم ۇمىتكەرلەر ءوتىپ كەتپەك. بۇل پارتيا ىشىلىك كەلىسپەۋشىلىك پەن جاسىرىن تارتىستار تۋعىزبايدى دەپ ايتا المايسىز. ولاي دەيتىنىمىز، الدىڭعى سايلاۋ كەزىندە «اق جولدىڭ» پارتيالىق تىزىمىنە يبراگيم يسا، يسرايل ساپارباي سىندى اقىندار، عالىم، ەكس-دەپۋتات امانگەلدى ايتالى ەنگەنىمەن، سايلاۋ ناتيجەسى شىققاندا پارلامەنتكە وتپەي قالعان. سول كەزدە اتالعان اقىنداردىڭ وزدەرى رەنىشتەرىن اشىق بىلدىرمەگەنىمەن، بىلايعى قولداۋشىلارى پارتيا باسشىلىعىنا نارازىلىقتارىن تانىتپاي قويمادى. بۇل جولى قالاي بولار ەكەن؟ ول تۋرالى پارتيا باسشىلىعى ازىرگە اشىپ ەشتەڭە ايتپاي وتىر. از كۇندە ول دا بەلگىلى بولار.

«اق جول» پارتياسىنان ءماجىلىس سايلاۋىنا ۇسىنىلعان ۇمىتكەرلەردىڭ تولىق ءتىزىمى:

ازامات ابىلتايەۆ – ءۇ شاقىرىلىمداعى ءماجىلىس دەپۋتاتى؛

كەڭەس ابساتيروۆ – كاسىپكەرلەر پالاتاسى ورال وڭىرلىك وكىلدىگىنىڭ باسشىسى؛

قايرات ايتباي – «تاراز مەتاللۋرگيا زاۋىتى» باسقارما ءتوراعاسىنىڭ ورىنباسارى؛

رۋسلان ارىنعازين – پاۆلودار قۇبىر پروكات زاۋىتىنىڭ باسشىسى؛

اسەت اتابايەۆ - Odyssey Investments Group زاڭ دەپارتامەنتىنىڭ ديرەكتورى، استانا.

ەرلان بارلىبايەۆ – پارتيا ءتوراعاسىنىڭ ورىنباسارى، «ەكيباستۋزەلەكتروسەت» اق ديرەكتورلار كەڭەسىنىڭ ءتوراعاسى؛

دميتريي ۆاسيليەۆ – پارتيانىڭ الماتى فيليالىنىڭ ءتوراعاسى، «كازاۆتوبۋسپروم» اق باسشىسى؛

جانار جاندوسوۆا - ديرەكتور يسسلەدوۆاتەلسكوگو سەنترا «ساندج» زەرتتەۋ ورتالىعىنىڭ ديرەكتورى، «Transparency-كازاحستان» جەمقورلىققا قارسى اگەنتتىگىنىڭ نەگىزىن قالاۋشى؛

جاڭبىرباي دوسپايەۆ - ماڭعىستاۋ وبلىسى كاسىپكەرلەر پالاتاسىنىڭ ءتوراعاسى، «سۋلتان» ج ش س ديرەكتورى.

بەرىك دۇيسەمبينوۆ – پارتيا ورتالىق كەڭەسىنىڭ حاتشىسى؛

تالگات ەرعالييەۆ – ءۇ شاقىرىلىمداعى ءماجىلىس دەپۋتاتى؛

 سەرىك ەرۋبايەۆ - «اتىراۋ construction services» ج ش س ديرەكتورى.

دانيا ەسپايەۆا - «كازكوممەرسبانك» اقتوبە وبلىستىق فيليالىنىڭ باسشىسى؛

نۇرلان جازىلبەكوۆ - ءۇ شاقىرىلىمداعى ءماجىلىس دەپۋتاتى؛

ماحاببات جۋتايەۆ – پارتيانىڭ قوستاناي وبلىستىق فيليالى ءتوراعاسى، كاسىپكەر؛

قازىبەك يسا – پارتيا ءتوراعاسىنىڭ ورىنباسارى، «قازاق ءۇنى» گازەتىنىڭ پرەزيدەنتى؛

سۆەتلانا قادىرالييەۆا - ءۇ شاقىرىلىمداعى ءماجىلىس دەپۋتاتى؛

مەرۋەرت كازبەكوۆا - ءۇ شاقىرىلىمداعى ءماجىلىس دەپۋتاتى؛

قايىربەك كەمەڭگەر – ل. گۋميليەۆ اتىنداعى ەۇۋ كافەدرا مەڭگەرۋشىسى؛

ەۆگەنيي كينسەل - «زاكون ي پراۆو» ج ش س ديرەكتورى؛

ازيز قوجامبەتوۆ – كاسىپكەر، قىزىلوردا؛

اندرەي ليننيك - «فورپوست» بك باس ديرەكتورى؛

حادجيمۋرات ليانوۆ - «ءتورت قۇدىق» ج ش س باسشىسى، قوستاناي؛

ليليا مەرگالييەۆا - پروفەسسور، م. وتەمىس ۇلى اتىنداعى بقمۋ كافەدرا مەڭگەرۋشىسى؛

بولات مومىشيەۆ- «فابريكا پوش» ج ش س ديرەكتورى، پارتيانىڭ جامبىل وبلىستىق فيليالىنىڭ ءتوراعاسى؛

ەكاتەرينا نيكيتينسكايا – فيناكسا قاۋىمداستىعىنىڭ ءتوراعاسى؛

ءبورىحان نۇرمۇحامەدوۆ – ۇلتتىق زەرتتەۋلەر ينستيتۋتىنىڭ ديرەكتورى، الماتى؛

اناربەك ورمان - «ۆودنىە رەسۋرسى-ماركەتينگ» ج ش س پرەزيدەنتى، پارتيانىڭ وقو فيليالىنىڭ ءتوراعاسى؛

ازات پەرۋاشيەۆ – پارتيا ءتوراعاسى؛

ماقسات رامانقۇلوۆ – «Mabex» ج ش س باس ديرەكتورى، استانا؛

اسكار سماعۇلوۆ – پارتيانىڭ استانا فيليالىنىڭ ءتوراعاسى؛

ابدرازاح سۋلتانوۆ – پارتيانىڭ ورتالىق اپپارات حاتشىسى؛

سەرىكباي تاشەنوۆ - «BI-group» جش جوبا جەتەكشىسى، استانا؛

ولجاس توقتاروۆ - «استانا» بانكى ديرەكتورلار كەڭەسىنىڭ ءتوراعاسى؛

الماس تۇرتايەۆ - ءۇ شاقىرىلىمداعى ءماجىلىس دەپۋتاتى؛