م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا 24-27 ناۋرىز ارالىعىندا وتەتىن «تەاتر كوكتەمى-2016» فەستيۆالى قازاق ساحناسىنىڭ كوزى ءتىرى اڭىزى، كورنەكتى اكتريسا، قازاقستاننىڭ ەڭبەك سىڭىرگەن ءارتيسى حابيبا ەلەبەكوۆانىڭ 100 جاسقا تولۋىنا ارنالادى، - دەپ حابارلايدى «قامشى» پورتالى.
جىل سايىن ناۋرىز مەرەكەسى جانە 27 ناۋرىز حالىقارالىق تەاتر كۇنىنە ورايلاستىرىلىپ وتكىزىلەتىن بۇل ءداستۇرلى فەستيۆال تەاتردىڭ بۇگىنگى باعىت-باعدارىن انىقتاۋعا، رەپەرتۋار ساياساتىنداعى وزىندىك ىزدەنىستەرىنە دراماتۋرگيا، رەجيسسەر، اكتەر ونەرىنىڭ بۇگىنى مەن ەرتەڭىنە زەردەلەۋگە مۇمكىندىك بەرەدى.
تەاتر تارلاندارىن ەسكە الىپ، قاراشاڭىراقتا ءقازىر ەڭبەك ەتىپ جۇرگەن ەسىمى ەلگە تانىمال اعا، ورتابۋىن اكتەرلەردىڭ جاڭا ەڭبەكتەرىنە، سونداي-اق جاڭا بۋىن، جاس بۋىننىڭ كاسىبي شىڭدالۋ مەكتەبىنە باعا بەرۋدى ماقسات ەتەدى.
«فەستيۆالدە كورەرمەندەرگە ۇسىنىلاتىن «اي مەن ايشا» دراماسى مەن «قازا مەن جازا» كريمينالدىق دراماسى وتكەن ماۋسىمنىڭ پرەمەرالارى بولسا، قالعان ەكەۋى 90- ماۋسىمنىڭ پرەمەرالارى.
90 ماۋسىم تەاتر ءۇشىن تولاعاي تابىستارمەن باستالدى. تاراز قالاسىندا اتالىپ وتكەن قازاق حاندىعىنىڭ 550 جىلدىق مەرەكەسىندە م.اۋەزوۆ تەاترى «قيلى جول» تاريحي دراماسىن ۇسىندى. تاريحي-پاتريوتتىق تاقىرىپتاعى بۇل الاڭدىق قويىلىم ەلىمىزدىڭ ساحنا ونەرى تاريحىنداعى عانا ەمەس، رۋحاني تاجىريبەسى ورايىنان دا اسا ءساتتى مەگاجوبا. تەاتر ۇجىمى قىرعىزستاندا وتكەن «ARD ORDO» حالىقارالىق فەستيۆالىنە قاتىسقان «قاس-قاعىم» (رەج. ە.نۇرسۇلتان) تراگەدياسىمەن باس جۇلدە، اتىراۋداعى ر.وتاربايەۆ اتىنداعى حالىقارالىق فەستيۆالدەن «بەيبارىس سۇلتان» (رەج. يۋ.حانينگو-بەكنازار) تاريحي دراماسىمەن قاتىسىپ، باس جۇلدە الىپ قايتتى.
فەستيۆال كۇندەرى رەجيسسەرلەر، اكتەرلەر مەن كورەرمەندەر اراسىندا كەزدەسۋ وتكىزىلەدى.
«تەاتر كوكتەمى» فەستيۆالىنە ارنالعان تەاتر مۋزەيى قورىنان كورمە ۇيىمداستىرىلادى.
«تەاتر كوكتەمى - 2016» فەستيۆالى الماتى جۇرتشىلىعىنا جانە قوناقتارىنا ۇلكەن قۋانىش، كوتەرىڭكى كوڭىل-كۇي سىيلايتىنىنا سەنىمىمىز مول!»، - دەلىنگەن تەاتردىڭ باسپا ءسوز قىزمەتى تاراتقان حابارلامادا.
قازاقستاننىڭ ەڭبەك سىڭىرگەن ءارتيسى حابيبا ەلەبەكوۆانىڭ 100 جىلدىق جانە «م.اۋەزوۆ تەاترىنىڭ» 90 جىلدىق مەرەيتويلارىنا ارنالعان «تەاتر كوكتەمى-2016» اتتى فەستيۆالىنىڭ كەستەسى:
|
№ |
ۋاقىتى وتەتىن ورىن |
وتكىزىلەتىن ءىس-شارالار |
|
24 ناۋرىز |
||
|
1 |
14:00-15.00 كىشى زال |
ەۆريپيد. «مەدەيا» .وزىندىك جۇمىس. |
|
2 |
16.00-17.00 ىى-فويە |
باسپا ءسوز ءماجىلىسى |
|
3 |
17.00-17.30 |
فوتوكورمەنىڭ اشىلۋى ءى كەزەڭ (1926-1956 جج.) |
|
4 |
18.30-18.45 ۇلكەن زال |
تەاتر اكتەرلەرىنىڭ سالتاناتتى شەرۋى. |
|
5 |
18.45-19.00 ۇلكەن زال |
م.اۋەزوۆ تەاترىنا 90-جىل. بايانداماشى عىلىم دوكتورى ب.نۇرپەيىس. |
|
6 |
19.00دە ۇلكەن زال |
فەستيۆالدىڭ سالتاناتتى اشىلۋى. تەاتر ديرەكتورى ە.ءبىلالدىڭ كىرىسپە ءسوزى. |
|
7 |
19.00-21.00 ۇلكەن زال |
«قازا مەن جازا» سپەكتاكلى. |
|
25 ناۋرىز |
||
|
1 |
13.30-14.00 |
فوتوكورمە ءىى كەزەڭ (1956-1986 جج.) |
|
2 |
15.00-16.45 كىشى زال |
«قوشتاسقىم كەلمەيدى...» سپەكتاكلى |
|
3 |
18.30-20.50 ۇلكەن زال |
«اي مەن ايشا» سپەكتاكلى |
|
26 ناۋرىز |
||
|
1 |
14.00-15.30 كىشى زال |
«لير». وزىندىك جۇمىسى. (ۋ.شەكسپيردىڭ «لير پاتشا» تراگەدياسىنىڭ نەگىزىندە) |
|
2 |
16.00-16.30 |
فوتوكورمە ءىىى كەزەڭ (1986-2016 جج.) |
|
3 |
18.30-20.50 ۇلكەن زال |
«الماس قىلىش» سپەكتاكلى |
|
27 ناۋرىز |
||
|
1 |
11:00-12.45 |
ح.ەلەبەكوۆا اتىنداعى «تەاتر كوكتەمى-2016» فەستيۆالىنىڭ جابىلۋ سالتاناتى. جۇلدەگەرلەردى ماراپاتتاۋ ءراسىمى. |
|
2 |
18.30-20.30 |
م.اۋەزوۆ تەاترىنىڭ 90- جىلدىعىنا ارنالعان سالتاناتتى كەش |
پىكىر قالدىرۋ