قاڭتار ايىنىڭ باسىندا جوعالىپ كەتكەن قاراعاندىلىق ايبەك مۇستاقايەۆتىڭ مۇردەسى تابىلدى، - دەپ حابارلايدى «قامشى» پورتالى.

مارقۇمنىڭ دەنەسى 24 ناۋرىز كۇنى قاراعاندى وبلىسى اباي قالاسىنداعى سۋ تازالاۋ عيماراتتارىنىڭ جانىنان تابىلعان. تۋىستارى ساراپتاما ايبەكتىڭ باس سۇيەگىنىڭ جارىلۋى جانە ميعا قان قۇيىلۋدان قايتىس بولعانىن راستاعانىن ايتادى.

«ايبەكتىڭ مۇردەسى قالا سىرتىنان تابىلدى. مايىتتە كۇش قولدانۋ بەلگىلەرى بار. مۇردە دالادا ءبىر كۇن ەمەس، بىرنەشە كۇن جاتىپ قالعان سياقتى. ونى كەزدەيسوق تاۋىپ وتىرمىز. ەگەر دەر ۋاقىتىندا تاپقاندا، بالكىم، قىلمىسكەردى ۇستاۋ دا قيىن بولماس ەدى. ءبىز قىلمىسكەردىڭ تابىلىپ، ءتيىستى جازاسىن العانىن قالايمىز»، - دەيدى مارقۇمنىڭ اپاسى گۇلزات قاپپاسوۆا.

قاراعاندى قالاسىنىڭ تۇرعىنى ايبەك مۇستاقايەۆ 3 قاڭتار كۇنى جوعالىپ كەتكەن بولاتىن. سودان بەرى پوليسيا ونى ىزدەۋ جۇمىستارىن جۇرگىزگەن.