الماتىلىق پوليسەيلەر قوعامدىق كولىك جولاۋشىلارىنىڭ قالتالارىنا ءتۇسىپ كەلگەن تاعى ءبىر جۇپتى قولعا ءتۇسىردى، - دەپ حابارلايدى «قامشى» پورتالى الماتى ءىىد باسپا ءسوز قىزمەتىنە سىلتەمە جاساپ.
قالتا قاققىشتاردى قۇرىقتاۋ ءۇشىن ارنايى قۇرىلعان ۇتقىر توپتىڭ ءبىرى قالدىاياقوۆ كوشەسىندەگى ايالدامانى «تۇراقتى جۇمىس ورنى» ەتكەن الاياقتاردى ستۋدەنت قىزدىڭ قىمبات تەلەفونىن قاعىپ كەتكەن ساتتە قولعا تۇسىرگەن.
«پالتومنىڭ قالتاسىنا سوڭعى مودەلدى تەلەفونىم بار ەدى. ۇرلانعانىن پوليسەيلەردەن عانا ەستىدىم. ولار ۇرىلاردى ءدال ايالدامادا ۇستاپتى. اسىعىس بولىپ، سول كەزدە كەتىپ قالىپ ەدىم. پوليسەيلەرگە العىس ايتامىن»، - دەيدى تەلەفونىن قايتارىپ العان ستۋدەنت قىز.
وسى وقيعا بويىنشا الماتى قالاسى مەدەۋ ادىندىق ءىىب تەرگەۋ جۇرگىزۋدە.
پىكىر قالدىرۋ