بۇگىن الماتى قالاسىندا ەل تاۋەلسىزدىگىنىڭ 25 جىلدىعى مەن الماتى قالاسىنىڭ 1000 جىلدىق مەرەيتويىنا وراي، قازاقتىڭ سپورت جانە تۋريزم اكادەمياسىندا الماتى جوو اراسىنداعى 11-سپارتاكيادا باستالدى، - دەپ حابارلايدى «قامشى» پورتالى.

سپورتتىق شارا الماتى قالاسىنىڭ اكىمدىگى جانە جوعارعى وقۋ ورىندارىنىڭ رەكتورلار كەڭەسى، «نۇر وتان» پارتياسىنىڭ قولداۋىمەن وتكىزىلۋدە.

سپارتاكياداعا ۆلاديسلاۆ ۆاسيسكيي باس تورەشىلىك جاسايدى. باس قالاداعى 10—وننان استام جوو كوماندالارى قاتىسقالى وتىرعان سپارتاكيادانىڭ اشىلۋ سالتاناتىندا «پاراسات» الماتى كاسىپتىك وداعىنىڭ ءتوراعاسى جاناتايەۆ دانات جاناتاي ۇلى، سپارتاكيادانىڭ باس تورەشىسى ۆاسيسكيي ۆلاديسلاۆ اناتوليەۆيچ جانە جوعارى وقۋ ورىندارىنىڭ كاسىپتىك وداقتارىنىڭ  ءتوراعالارى ءسوز سويلەپ، قاتىسۋشىلارعا ساتتىلىك تىلەدى.