الامتىدا 2017 جىلى وتەتىن قىسقى ۋنيۆەرسياداعا ارنالىپ سالىنىپ جاتقان نىسانداردى ارالاعان قالا باسشىسى وسىلاي دەدى، - دەپ حابارلايدى «قامشى» پورتالى.
سپورتتىق، باسقا دا نىساندار قۇرىلىسى جاز سوڭىنا دەيىن اياقتالىپ، 31 تامىزدا پايدالانۋعا بەرىلۋى ءتيىس.
اتاپ ايتقاندا، باۋىرجان قىدىرعالي ۇلى 3 مىڭ ورىندىق مۇز ارەناسى، 12 مىڭ ورىندىق مۇز سارايى مەن 5 مىڭ ادامعا ارنالعان اتلەتيكالىق اۋىلداعى قۇرىلىس جۇمىستارىمەن تانىستى.
شاھار باسشىسى اتالعان نىسانداردىڭ ۋنيۆەرسيادا كەزىندە پايدالانۋعا دايىندىعىمەن قوسا، سپورتتىق شارادان كەيىن دە حالىق يگىلىگىنە قولدانۋعا مۇمكىندىك بەرەتىن ينفراقۇرىلىمدارىنا نازار اۋداردى.
مۇز ارەناسى – كوپ فۋنكسيالى سپورتتىق كەشەن. وندا 3 مىڭ ورىندىق مۇز ارەناسىنان بولەك، 300 ورىندىق شاعىن ارەنا دا بار. ارەنا مۇز جابىندىلارىن الىپ تاستاپ، ۆولەيبول، باسكەتبول، ميني-فۋتبول الاڭدارىنا اينالدىرۋ مۇمكىندىگى ەسكەرىلىپ سالىنۋدا.
ءقازىر قۇرىلىس جۇمىستارىنا 1200 قازاقستاندىق جۇمىسشى مەن 80 وتاندىق كومپانيا جۇمىلدىرىلعان. نىسان 2017 جىلى وتەتىن 28-بۇكىلالەمدىك قىسقى ۋنيۆەرسيادا كەزىندە ەرلەر اراسىنداعى شايبالى حوككەي جارىسىن قابىلدايدى.
باۋىرجان بايبەك نىساندى ارالاۋ كەزىندە ەلباسى تاپسىرماسىن تاعى ءبىر ەسكە سالىپ، اتالعان نىسانداردىڭ حالىققا قول جەتىمدى بولۋى ءۇشىن مەملەكەت بارلىق جاعدايدى جاسايتىنىن اتاپ ءوتتى.
«ەلباسى اتاپ وتكەندەي، ۋنيۆەرسيادا قازاقستان ءۇشىن زور ەكونوميكالىق جانە الەۋمەتتىك اسەرى بار ماڭىزدى يميدجدىك جوبا. قىسقى ويىندار اياقتالعاننان كەيىن نىسانداردى قالاي پايدالاناتىمىزدى ويلاۋ كەرەكپىز. سونىمەن بىرگە، بيۋدجەتكە تۇسەتىن سالماق از بولۋى كەرەك جانە ول نىساندار حالىققا قول جەتىمدى بولۋى ءتيىس. ۋنيۆەرسيادا قالانىڭ دامۋىنا وڭ قارقىن بەرىپ، ونىڭ ساۋلەتتىك كەلبەتىن جاقسارتۋى، قوناق ۇيلەردەگى، قوعامدىق كولىكتەگى، مەيرامحانالارداعى، سپورتتىق ورىندارداعى قىزمەت كورسەتۋ ساپاسىن ارتتىرۋى ءتيىس. وسىنىڭ بارلىعى شاعىن جانە ورتا بيزنەسكە دە قولداۋ بولادى، ولار ءۇشىن جاڭا قىزمەت كورسەتۋ سالاسى، جاڭا جۇمىس ورىندارى اشىلادى»، - دەيدى قالا باسشىسى.
اكىم سونداي-اق، 12 مىڭ ورىندىق مۇز سارايىنىڭ دا نەگىزگى بلوگى قۇرىلىسىمەن جاقىن تانىستى.
كوپسالالى مۇز سارايى كەشەنى قازاقستاننىڭ الدىڭعى قاتارلى سپورتتىق عيماراتى بولادى. نىسان ىسكە قوسىلعان سوڭ جىل سايىن 600 مىڭ كورەرمەنگە قىزمەت ەتەتىن بولادى. ساراي قۇرىلىسى ۋنيۆەرسيادا وتكەننن كەيىنگى ۋاقىتتا دا پايدالانۋعا بولاتىنداي ەسەپپەن جۇرگىزىلۋدە. سارايدا بولاشاقتا كاسىبي سپورتشىلار تۇراقتى تۇردە جاتتىعۋ جاسايتىن بولادى. ۋنيۆەرسيادا كەزىندە مۇندا شارانىڭ اشىلۋ جانە جابىلۋ سالتاناتى، مانەرلەپ سىرعاناۋ جانە كەرلينگ سايىستارى وتەدى.
وسى رەتتە الماتىدا سالىنىپ جاتقان اتلەتيكالىق اۋىلدىڭ ۋنيۆەرسيادا تاريحىندا وسى ماقساتتا تۇرعىزىلعان العاشقى نىسان ەكەنىن ايتا كەتۋ كەرەك. اتلەتيكالىق اۋىل 8-9 قاباتتى 8 ءتۇرعىن-ۇي عيماراتىنان جانە 4-14 قاباتتى باسقا دا عيماراتتاردان، ورتالىق امبەباپ الاڭنان، تۇرمىستىق قىزمەت كورسەتۋ عيماراتتارىنان، ەكى قاباتتى ينفراقۇرىلىمى جەتىلدىرىلگەن ارنايى پلاتفورمادان تۇرادى.
جومارت ابدوللا ۇلى
