بۇگىن ىشكى ىستەر ءمينيسترىنىڭ ورىنباسارى ەرلان تۇعىنبايەۆ الداعى ۋاقىتتا حالىققا قىزمەت كورسەتۋ ورتالىقتارى ارقىلى سىناق تاپسىرىپ، جۇرگىزۋشى كۋالىگىن الۋعا بولاتىنىن. ول ءۇشىن ارنايى كۋرستان ءوتۋدىڭ قاجەت ەمەستىگىن مالىمدەدى. بۇل تۋرالى «قامشى» پورتالى حابارلايدى.
ونىڭ ايتۋىنشا، جۇرگىزۋشىلەردى ءوز بەتىمەن دايىنداۋ جۇيەسى ەنگىزىلۋدە كورىنەدى. موتوكولىك جانە جەڭىل اۆتوموبيل جۇرگىزۋ قۇقىعىن بەرەتىن كۋالىكتى ارنايى حقو ارقىلى سىناق تاپسىرىپ، الۋعا بولادى.
«جول ەرەجەسىن ۇيدە ءوز بەتىڭىزبەن ۇيرەنىپ، ەگەر تاجىريبەلىك ماشىقتارىڭىز بۇرىننان بار بولسا، تەوريالىق ەمتيحان تاپسىرا الاسىز. ارنايى حقو-عا بارىپ، تاجىريبەلىك سىناقتان وتەسىز. وندا وسىعان ارنالعان كولىكتەر بار. ەگەر سىناقتاردى مۇلتىكسىز تاپسىرساڭىز، ارنايى كۋرستا وقىماي-اق كۋالىك الا الاسىز. بۇل جۇيە ءساۋىر ايىندا ىسكە قوسىلادى»، - دەيدى ول.
