استانادا «نۇر وتان» پارتياسىنىڭ جەڭىسىنە ارناعان فورۋمدا ەلباسىنىڭ ارتىندا تۇرىپ، ءتىلىن شىعارعان قىزدان باس پارتيا باسشىلىعى تۇسىنىكتەمە الماقشى، - دەپ جازادى «قامشى» پورتالى nur.kz – كە سىلتەمە جاساپ.

نۇرسۇلتان نازاربايەۆتىڭ ءسوز سويلەۋى كەزىندە ءتىلىن شىعارىپ، تانىمال بولعان استانالىق ستۋدەنت يننا مالسيەۆا ءوزىنىڭ Instagram مپاراقشاسىندا تۇسىنىكتەمە بەرۋى ءۇشىن "نۇر وتانعا" شاقىرتىلعانىن مالىمدەدى. بۇعان دەيىن ول وعاش ارەكەتىنە تۇسىنىكتەمە بەرەتىن جازبا جاريالاعان بولاتىن.

"مەن تۋرالى جامان ويلاپ قالعانداردىڭ ءبارى مەنى سوكپەي، تۇسىنىستىكپەن قارايدى دەپ ۇمىتتەنەمىن. سەبەبى، نەگىزىنەن مەن ونداي وعاش ارەكەتتەر جاسايتىن ادام ەمەسپىن. مەن قاشان دا ءىس-شارالاردا ءوزىمدى جاقسى ۇستاي بىلەمىن جانە ءار ادام بالاسىن ۇلتىنا بولا الالاماي، سىيلاستىقپەن قارايمىن. "ەشكىمدى سوكپە، ءوزىڭ دە سوگىسكە ۇشىرامايسىڭ" دەگەن قاعيدامەن ءومىر سۇرەمىن. مەن ءۇشىن بۇل جاعداي جانە ماعان دەگەن بۇرىس كوزقاراس وتە جاعىمسىز... تاعى دا كەشىرىم سۇرايمىن. ادامي تۇرعىدان تۇسىنىستىكپەن قارايسىزدار دەگەن ۇمىتتەمىن"، - دەپ جازعان بويجەتكەن.

بۇعان دەيىن حابارلاعانىمىزداي، ستۋدەنت قىز نۇرسۇلتان نازاربايەۆتىڭ ءسوز سويلەۋى كەزىندە ءتىلىن شىعارعان بولاتىن.