ءقازىر بيلىكتەگىلەر الدەبىر وزەكتى ءجايتقا بايلانىستى ەلدىڭ كوزقاراسىن بىلگىسى كەلسە، ءورىستىلدى سايتتارداعى كوممەنتتەردى وقي سالادى. تەلەارنالار مەن اكىمدىك قىزمەتكەرلەرى دە ۇنەمى وسىنداي تورت-بەس سايتتا جارىق كورگەن اقپاراتتاردى شۇقشيىپ شولىپ وتىراتىنىن بىلەمىن. ەلىمىزدە ءورىستىلدى ورتانىڭ پىكىرىن بارىنەن ارتىق ساناپ، سولاردىڭ قالاۋىن قوش كورەتىن قۇلدىق پسيحولوگيا قالىپتاسقان. ال، ونداي ينتەرنەت پورتالدارداعى پىكىر جازاتىنداردىڭ كوبى - ورىستىڭ جالدامالى ترولدارى.

مەملەكەتتىك ماڭىزى بار ماسەلەنى تالقىلايتىن كەزدە، ولار رەسەي يدەولوگياcىنىڭ ىڭعايىنا كەلەتىن كوممەنتتەر عانا جازىپ، قازاقستاندىقتاردىڭ اتىنان سويلەپ، وزدەرىنشە قوعامدىق پىكىر قالىپتاستىرعانسىپ وتىرادى. باسشىلىقتاعى كوسموپوليتتەر سولاردىڭ شاتپاعىنا شىنىمەن دە سەنىپ، ساناساتىن سياقتى اسەر قالدىرادى.

قازاقستانداعى ۇلتتىق يدەولوگيا دەپ جۇرگەنى، ۇلتسىزدىق ءيديوتيزمى ەكەنىنە وسىندايدا انىق كوزىڭ جەتەدى ەكەن. بىزدە مۇنداي وتە ماڭىزدى ىستەردىڭ بارلىعىن رەسەيلىكتەرگە سەنىپ تاپسىرىپ قويعان. قازاقستانداعى بوس تۇرعان يدەولوگيالىق ۆاكۋۋمدى سولاردىڭ ساياسي ساندىراعى ۇستى-ۇستىنە تولتىرىپ جاتىر. قۇدايعا شۇكىر، ءقازىر قازاق جاستارىنىڭ اراسىندا ۇلتتىق پروبلەمالاردى باتىل ايتىپ جۇرگەن جۋرناليستەر كوپ. ەڭ وكىنىشتىسى، ولاردىڭ ءارقايسىسى جەكە-جەكە جازىپ ءجۇر. «جالعىزدىڭ شاڭى شىقپاس» دەگەندەي، سولاردىڭ باسىن قوسىپ، قازاق بلوگەرلەرى مەن جۋرناليستەرىنىڭ لوببيلىق توبىن قۇرساق دەگەن ۇسىنىس بىلدىرگىم كەلەدى.

وزدەرىڭىز بىلەسىزدەر، ءقازىر قازاق قوعامىنىڭ تامىرىن باسىپ، ۇلتقا قارسى جىمىسقى ساياسات جۇرگىزەتىن "ينفورماسيوننىي ۆىبروستار" ءجيى جاريالانىپ ءجۇر. وسىندايدا ۇلتشىل ازاماتتار الگىندەي تاقىرىپتى ءىلىپ اكەتىپ، بىر-بىرىمەن ءبولىسىپ، قازاق مۇددەسىنە ساي كەلەتىن قوعامدىق پىكىر تۋعىزىپ جاتسا، قانداي جاقسى! فەيزبۋك سوڭعى جىلدارى ۇلتشىلداردىڭ ۇجماعىنا اينالدى عوي. بىزدىكى، الەۋمەتتىك جەلىدە الىمجەتتىكپەن بىرلەسىپ كۇرەسىپ، قولىمىزدان كەلگەنشە حالقىمىزعا قىزمەت ەتسەك دەگەن وي عانا ەدى...

جولىمبەت ماكىشتىڭ فەيسبۋكتەگى پاراقشاسىنان الىندى