بۇگىن V الماتى مارافونىنىڭ ۇيىمداستىرۋشىلارى بيىلعى مارافونعا جاڭا ديسيپلينا قوسىلاتىنىن مالىمدەدى، - دەپ حابارلايدى «قامشى» پورتالى قازاقپاراتقا سىلتەمە جاساپ.  

«الماتى مارافونى قايىرىمدىلىق ماقساتتا وتكىزىلەدى. جىل سايىن بەلگىلى ءبىر ماقسات قويامىز. بيىل سال اۋرۋىنا شالدىققان بالالارعا كومەك بەرىلەدى. «اردي» مۇگەدەك بالالاردىڭ اتا-انالارى قاۋىمداستىعىنا تىرەك-قيمىل جۇيەسىن وڭالتاتىن 4 اپپارات ساتىپ اپەرەمىز»، - دەدى ۇيىمداستىرۋ كوميتەتىنىڭ ديرەتكورى سالتانات قازىبايەۆا. 

ونىڭ ايتۋىنشا، بيىلعى بايقاۋدا بۇرىن جىبەرىلگەن قاتەلىكتەردىڭ بارلىعى ەسكەرىلمەك. ماسەلەن قاتىسۋشىلارعا بيىل سورە نومىرلەرى اتاۋلى تۇردە بەرىلەدى. سونداي-اق، جۇگىرۋشىلەرگە ارناپ جاڭا ديسيپلينا اشىلدى. 

«كوپتەگەن مارافوندا كورگەندەرىڭىزدەي، ورتاسىندا قارقىندى ازايتىپ، اياڭعا تۇسەتىن ادامدار بولادى. ولار جۇيرىكتەردىڭ جولىن بوگەيدى. سوندىقتان، ولارعا ارنالىپ، «سكانديناۆ ءجۇرىسى» ديسيپليناسى ەنگىزىلدى. ەندى ولار ارتتاعىلارعا بوگەت بولماي، ەڭ سوڭعى 10 شاقىرىمدىق قاشىقتىققا شىعاتىن بولادى»، - دەدى س.قازىبايەۆا. سونىمەن قاتار، ءار قاشىقتىقتىڭ ءوز مەدالى بولادى. 
بيىلعى مەرەيتويلىق مارافوندا 42 شاقىرىم قاشىقتىققا 8 پەيسمەيكەر شىعاتىن بولادى. بۇل سپورتشىلار جۇگىرۋ قارقىنىن باسەڭدەتپەۋگە، قاتىسۋشىلاردى ىنتالاندىرۋعا جۇمىس ىستەيتىن بولادى. 

ۇيىمداستىرۋ كوميتەتى بيىلعى بايقاۋعا 15 مىڭ ادام قاتىساتىنىنا ۇمىتتەنىپ وتىر. 

ايتا كەتۋ كەرەك، ماڭىزى سپورتتىق شارا 24 ساۋىردە وتەدى.