استانا قالاسىندا سالىنىپ جاتقان «ابۋ-دابي پلازا» كەشەنىندە تاعى دا ءورت شىقتى، - دەپ حابارلايدى «قامشى» پورتالى.
بۇل جولى «پلازانىڭ» استىڭعى جاعىنداعى ەكىنشى قابات ورتەنگەن.
ءور تۋرالى حابار كەزەكشى قىزمەتتەرگە تۇنگى ساعات 00.43-تە تۇسكەن. ءورت سوندىرۋشىلەر كەلگەندە مينەرالدى ماقتا (قاپتايتىن ماتەريال) ورتەنىپ جاتقانىن كورگەن. وت شالعان ايماقتىڭ اۋدانى – 50 شارشى مەتر.
ءورت تۇنگى ساعات 03.25-تە تولىقتاي سوندىرىلگەن. ءتىلسىز جاۋدى اۋىزدىقتاۋعا استانالىق ءورت سوندىرۋشىلەر بارلىعى 41 ادام مەن 10 ارنايى تەحنيكا جۇمىلدىرعان.
