قازاقستاندىق شەكاراشىلار استانادان پەتەربورعا جول تارتقان پويىزدىڭ جولاۋشىسىنان قولدان جاسالعان سامۋراي سەمسەرىن تاركىلەدى، - دەپ حابارلايدى «قامشى» پورتالى قازاقپاراتقا سىلتەمە جاساپ.

«قازاق-رەسەي شەكاراسىندا ورنالاسقان قوستاناي شەكارا جاساعىنا قاراستى «قايراك تەمىرجول» باقىلاۋ-وتكىزۋ بەكەتىنىڭ شەكاراشىلارى استانادان سانكت-پەتەربۋرگ قالاسىنا كەتىپ بارا جاتقان ازاماتقا شەكارالىق باقىلاۋ جاساعاندا ونىڭ سومكەسىنەن سۋىق قارۋدى تاپتى»، - دەلىنگەن ق ر ۇقك شەكارا قىزمەتىنىڭ باسپا ءسوز قىزمەتى تاراتقان حابارلامادا.  

سەمسەر قول جۇگىن تەكسەرۋ كەزىندە - سومكەدەن تابىلعان. قارۋدىڭ ۇزىندىعى 46 سم، ەنى - 2،5 سم، قالىڭدىعى - 5 مم، پىشاعىنىڭ ۇزىندىعى - 29 سم. قولدان جاسالعان سەمسەردىڭ سالماعى 1100 گرامم تارتادى.

ۇستالۋ فاكتىسى بويىنشا قۇقىق قورعاۋ جانە ولارمەن ءوزارا ءىس-قيمىلداعى ورگاندار حاباردار ەتىلدى.