عالامدىق ەنسيكلوپەديا wikipedia جەلىسىندە قازاقتىڭ ءبىر تۋار ۇلى، اتاقتى ابىلاي حاننىڭ اتاسى، تۇركىستان مەن ۇرگەنىشتى بيلەگەن، تاريحتا "قانىشەر ابىلاي" دەگەن اتپەن قالعان ابىلاي ءۋاليباقىۇلىن قارالاعان جازبا جاريالاندى، - دەپ حابارلايدى «قامشى» پورتالى.

قازاق حانىن قورلاعان جازبا تۋرالى فەيسبۋك الەۋمەتتىك جەلىسىندە نۇرلان سۇلتانوۆ ەسىمدى قولدانۋشى دابىل قاقتى.

ەنسيكلوپەديادانىڭ ورىسشا بەتىندەگى «ابىلاي حان كانشەر» دەگەن تاقىرىپپەن جازىلعان انىقتاماعا شىندىققا جاناسپايتىن مالىمەتتەر ەنگىزىلگەن. اتاپ ايتقاندا، قازاق حانىن «ءانالدى زۇلىم»، «باراك وبامانىڭ ون التىنشى باباسى» دەپ اتاپ، قازاق حالقى مەن ونىڭ حانىنا قاتىستى باسقا دا جالعان اقپاراتتار ورنالاستىرىلعان.

«بۇل ەشقانداي دا 1 ءساۋىر ءازىلى ەمەس. سەنبەسەڭىزدەر مىنا سىلتەمەگە كىرىپ كوز جەتكىزىڭىزدەر»، - دەپ جازادى ول.

نۇرلان سۇلتان بۇل وزگەرىستەر الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنا تيەسىلى 92.46.10.145 IP مەكەن جايىنان ەنگىزىلگەنىن ايتادى.

جەلى قولدانۋشىلارى بۇل ارەكەتتى تۇتاستاي قازاق حالقىن قورلاۋ دەپ باعالاپ، ارنايى ورگانداردان ارانداتۋشىنى تابۋدى تالاپ ەتۋدە.

ماقالا جاريالانعان ۋاقىتتا (01.04.2016 ج.، ساعات 13.40) جوعارىدا اتالعان جازبا وزگەرتىلىپ، ابىلاي حاندى قارالايتىن سوزدەردىڭ الىنىپ تاستالعانى بەلگىلى بولدى.