«ەۆروۆيدەنيە-2014» جەڭىمپازى كونچيتا ۆۋرست استاناعا كەلىپ، جەكە كونسەرتىن بەرەتىن بولدى. ول ەلىمىزدە قازاق تىلىندە ءان ايتىپ، دومبىرا تارتۋدى ۇيرەنبەك دەپ حابارلايدى «قامشى» پورتالى NUR.KZ – كە سىلتەمە جاساپ.

اتىشۋلى ءارتىستىڭ قازاقستانداعى تۇڭعىش كونسەرتى استانا كۇنىنە وراي 6 شىلدە كۇنى وتەدى دەپ مالىمدەدى اگەنتتىكتەردىڭ ءبىرى.

دەرەككوزدىڭ ايتۋىنشا، ۆۋرست قازاق ءتىلىنىڭ اۋەزدىلىگىنە ءتانتى بولعان. سول سەبەپتى، ەلىمىزدە قازاقشا ءان ايتۋدى دۇرىس دەپ تاپقان. كونچيتا قازاقستاننان قۇر الاقان قايتپاي، ۇلتتىق اسپابىمىز دومبىرادا ويناۋدى ۇيرەنىپ كەتەتىنىن مالىمدەدى.

كونچيتا ۆۋرست — اۆستريالىق ءانشى توماس ءنويۆيرتتىڭ سەنالىق وبرازى. ول وسى بەينەسىمەن ءداستۇرلى گەندەرلىك رولدەردەن باس تارتىپ، وزگەلەردىڭ تاڭداۋىنا قۇرمەتپەن قاراۋ ماسەلەسىن كوتەرگەن تۇڭعىش ءانشى.