گەرمانيا ەكىنشى دۇنيەجۇزىلىك سوعىستا تۇتقىن بولعان قازاقستاندىقتاردىڭ ءارقايسىسىنا 1 ميلليون تەڭگەدەن وتەماقى بەرمەك، - دەپ حابارلايدى «قامشى» پورتالى كتك ارناسىنا سىلتەمە جاساپ.
گەرمانيا ۇكىمەتى تولەيتىن بۇل قاراجاتتى 1941-1945 جىلدارى فاشيستەردىڭ تۇتقىنىندا بولعان وتانداستارىمىز الا الادى. ەلىمىزدىڭ دەنساۋلىق ساقتاۋ جانە الەۋمەتتىك دامۋ مينيسترلىگىنە سىرتقى ىستەر مينيسترلىگىنەن وسىنداي جاعىمدى حابار كەلگەن.
الايدا، 2،5 مىڭ ەۋرو ياعني 1 ميلليون تەڭگەگە قول جەتكىزۋ ءۇشىن سوعىس ارداگەرلەرى تۇتقىندا بولعانىن راستايتىن قۇجاتتار ۇسىنۋى كەرەك.
ءقازىر وبلىستىق اكىمدىكتەرگە سوعىس ارداگەرلەرىنە ساۋالناما تولتىرىپ ءوتىنىش جازۋعا كومەكتەسۋ تاپسىرىلعان. سەبەبى، ارىز بىردەن گەرمانياعا جىبەرىلمەك. ارداگەرلەردەن جاردەماقى الۋ تۋرالى ءوتىنىش 2017 جىلدىڭ 30 قىركۇيەگىنە دەيىن قابىلدانادى. سوعىستا تۇتقىنعا ءتۇسىپ، ازاپ شەككەن ارداگەرلەر سانىن جەرگىلىكتى اكىمدىكتەر انىقتايدى.
