قازاق كەلىندەرىنە كەڭەس بەرىپ، ۇلتتىق قۇندىلىقتاردى جاس كەلىندەر اراسىندا دارىپتەۋ ماقساتىندا نازاربايەۆ ۋنيۆەرسيتەتىنىڭ ستۋدەنتى ديدار پەرنەبايەۆا ىسكە قوسقان «كەلىن» الەۋمەتتىك جەلىسى قازاقى تانىمعا جات قۇندىلىقتار ناسيحاتتالاتىن ورتاعا اينالىپ بارادى، - دەپ حابارلايدى «قامشى» پورتالى.
قوسىمشادا نەگىزىنەن ساۋالنامالار، اس رەسەپتەرى، سوزدىك پەن قۇپيالار سىندى ءتورت قىزمەت ءتۇرى قولدانىلادى. جەلىنىڭ وسى «قۇپيا» بولىمىندە جاس كەلىندەر ويلارىن ورتاعا سالىپ، ءار ءتۇرلى تاقىرىپتاردا انونيم سۇحبات قۇرا الادى، بىر-بىرىنەن اقىل-كەڭەس سۇرايدى.
قىزىق تا وسى جەردە باستالادى. بىرەۋلەر ەنەلەرىنەن كورگەن «قورلىعىن» ايتىپ شەرتوكسە، جەلىگە تىركەلگەن ورىس ءتىلدى قىز-كەلىنشەكتەردىڭ ءبىرازى توسەك پەن جىنىس مۇشەلەرى توڭىرەگىندە اجەپتاۋىر سۇحبات قۇرىپ تاستاعان. ءتىپتى، كۇيەۋىنىڭ كوزىنە ءشوپ سالۋ، بوتەن ەركەكپەن جاسىرىن قارىم-قاتىناستا بولۋ قۇپيالارى دا ورتاعا سالىنعان.
بۇدان باسقا دا ۇلتتىق تانىمىمىزعا جات دۇنيەلەردەن كوز سۇرىنەدى.
