بۇگىن «Nur.kz» ينتەرنەت پورتالى» ج ش س باس ديرەكتورى قۋات باحريدينوۆ اقپارات قۇرالىنا تاعىلعان ايىپتارمەن كەلىسپەيتىندىكتەرىن مالىمدەدى، - دەپ حابارلايدى «قامشى» پورتالى Nur.kz-كە سىلتەمە جاساپ.

سايتقا تاعىلعان ايىپتارعا قاتىستى ق. باحريدينوۆ سوت پروسەسىنىڭ باستالۋىن كۇتۋ كەرەكتىگىن ايتقان. «شاعىمدا كورسەتىلگەندەي زاڭ بۇزۋشىلىقتار ورىن الدى ما؟» دەگەن سۇراققا ق. باحريدينوۆ:

«ءبىز تاعىلعان ايىپتارمەن كەلىسسەك مۇنداي ماقالا بولماس ەدى. بارلىعى ءوزارا شەشىلەر ەدى (...) ءبىز ءقازىر سوت وتىرىسىن كۇتىپ وتىرمىز، وندا بارلىق تاراپتاردىڭ دايەكتەرى ايتىلادى. سوسىن ءبىز دە وسى فارسقا تاپسىرىس بەرۋشىلەرگە قارسى تالاپتار قويا باستايمىز»، - دەگەن.

سونداي-اق، ول defacto.kz سايتىن تىكەلەي ءوزى شاعىم تۇسىرمەي، ورتاعا شاعىمدانۋشى رەتىندە اۆتورلىق قۇقىقتى قورعاۋ جونىندەگى سولتۇستىك قازاقستان قوعامىن قوسۋ ارقىلى ميلليونداعان مەملەكەتتىك باج تولەۋدەن جالتارماق دەپ ايىپتادى.

قۋات باحريدينوۆ بۇگىن «Nur.kz» ينتەرنەت پورتالى» ج ش س باس ديرەكتورى بولىپ تاعايىندالدى. ول سونىمەن قاتار، «7-ارنانى» باسقارۋشى «ەرا» تەلەكومپانياسى» جشس-نىڭ دا باس ديرەكتورى قىزمەتىن اتقارادى. «Nur.kz» ينتەرنەت پورتالى» جشس-نىڭ 80 پايىز ۇلەسى دە وسى ق. باحريدينوۆقا تيەسىلى ەكەندىگى ايتىلادى. اشىق دەرەككوزدەرىندە سايتتىڭ قالعان 20 پايىز ۇلەسى Calidus Investment Limited دەگەن كومپانياعا تيەسىلى ەكەندىگى حابارلانعان. بۇعان دەيىن دە اتالعان ينتەرنەت-رەسۋرستىڭ مەنشىك يەلەرى تۋرالى اقپارات قۇرالدارىندا شۋلى ماقالالار جارىق كورگەن بولاتىن.