مەنىڭشە، بىزدەگى كاسىبي مەرەكە كۇنتىزبەسىندە ءبىر ورەسكەل قاتەلىك بار: مينيسترلەر كۇنى مەن دەپۋتاتتار كۇنى جوق (23 ماۋسىمداعى مەمقىزمەتشىلەر كۇنى سانالمايدى، مەن توڭىپ سەكىرگەن قاراپايىم شەنەۋنىكتەر مەن تويىپ سەكىرگەن مينيسترلەر اراسىنداعى ايىرماشىلىقتى جاقسى بىلەمىن).
1 ءساۋىردى باسىبايلى مينيسترلەر مەن دەپۋتاتتارعا بەرۋ كەرەك!
ويتكەنى، ولاردىڭ وتىرىك اقپارات بەرىپ، سويلەگەنى دە، ايداعانى بەس ەشكى، ىسقىرىعى جەر جارىپ، اتقارعانى - ءبارى، ءبارى - كۇلكىدەن باسقا ەشقانداي سەزىم تۋعىزبايدى.
ونىڭ ۇستىنە بىزدە قوعامدىق ساياسي ساتيرا جانرى دا ولگەن، بار "يۋمور" توسەك پەن قۇداعي اراسىنداعى قاتىناستاردى قامتيدى. وتباسى، وشاقباسىلىق يۋمورسىماق وتاندىق دەڭگەيگە جەتە الماي جاتىر. قوعامداعى وقيعالارعا كۇلكى مەن ءاجۋا سىندى قۇرال ارقىلى باعا بەرەتىن پامفلەتتەر وقىماعالى قانشا!
سوندىقتان دا كۇلكى كۇنى رەتىندەگى كاسىبي مەرەكە سولاردىكى، ياعني، وزدەرى دە بىزگە، قوعامعا ىشتەي كۇلىپ جۇرگەن دوكەيلەردىكى بولۋ كەرەك! ءسويتىپ، بىر-بىرىمىزگە كۇلىپ جۇرەيىك!

تەك مەنىڭ بۇل ۇسىنىسىمدى كۇلىپ قابىل الماساڭىزدار بولدى...

PS. كەي كەزدە ولاردىڭ تىرلىگىنە قاراپ، جىلاعىڭ دا كەلەدى. ءبىراق ونداي كۇن تاعايىنداماي-اق قويالىق. ايتەۋىر، وسى كۇلكىنىڭ ارتى جاقسى بولسىن!

ءامىرجان قوسانوۆتىڭ «فەيسبۋكتەگى» پاراقشاسىنان الىندى