الماتى قالاسى «كوكجيەك» ىقشام اۋدانىندا اۋلالاردا تۇرعان كولىكتەردى توناپ جۇرگەن ۇرىلار ۇستالدى، - دەپ حابارلايدى «قامشى» پورتالى Zakon.kz – كە سىلتەمە جاساپ.

«كوكجيەك» تۇرعىندارى تاڭعا تامان اۋلادا تۇرعان كولىكتەردىڭ كاپوتىن اشىپ، شەشىپ العان زاتتاردى مازدا كولىگىنە تيەپ جۇرگەن ءۇش جىگىتتى كورىپ پوليسياعا حابارلاعان. قوڭىراۋ بويىنشا كەلگەن پاترۋل ەكيپاجى اۋداندى ارالاپ ءجۇرىپ، كۇدىكتىلەر مىنگەن كولىكتى توقتاتادى. كولىك ىشىندە جۇرگىزۋشىدەن باسقا ءۇش جىگىت بولعان. پوليسەيلەرگە كولىك جۇرگىزۋشى ءا دەگەننەن ءوزىنىڭ تاكسيشى ەكەنىن، ءۇش جىگىتتى كوك بازاردان وسىندا الىپ كەلگەنىن، قازمەت اقىسىنا 9 مىڭ تەڭگە الۋعا كەلىسكەنىن ايتادى. الايدا، جۇرگىزۋشىنىڭ بۇل سوزىنە كولىكتىڭ مەملەكەتتىك ءنومىرىنىڭ ءبىر بولىگى قولعاپپەن بۇركەلگەنىنە قاراپ پوليسەيلەر كۇدىكپەن قاراپ وتىر.

ۇستالعان كولىكتىڭ جۇك سالعىشىنان ماشينانىڭ 4 اككۋمۋلياتورى، 2 ۆاليۋمەتر جانە مەرسەدەس-بەنس كولىگىنىڭ 2 قوزعالتقىش باسقارۋ بلوگى تابىلدى. پوليسەيلەر ۇرىلار ۇستالعان اۋماقتان تونالعان كولىكتەردى دە انىقتادى.

ۇستالعان تورتەۋ جەتىسۋ اۋداندىق ىشكى ىستەر باسقارماسىنا جەتكزىلدى.