قازاقستانداعى جەر قاتىناستارىن رەتتەيتىن قۇرىلىمداردىڭ جۇمىسىنا جۇرگىزىلگەن تەكسەرۋلەر شەنەۋنىكتەردىڭ شالاعايلىعىنان مەملەكەتكە 2 ميلليارد تەڭگە زالال كەلگەنىن انىقتادى، - دەپ حابارلايدى «قامشى» پورتالى قازاقپاراتقا سىلتەمە جاساپ.

ق ر ۇلتتىق ەكونوميكا مينيسترلىگىنىڭ قۇرىلىس، تۇرعىن ۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى 2015 جىلى جەرگىلىكتى اتقارۋشى ورگانداردىڭ جەر ۋچاسكەلەرىن بەرۋ، ولاردىڭ نىسانالى ماقساتىن وزگەرتۋ جانە مەملەكەتتىك مۇقتاجدار ءۇشىن ماجبۇرلەپ يەلىكتەن شىعارۋ تۋرالى شەشىمدەردىڭ زاڭدىلىعىنا 124 تەكسەرۋ، ونىڭ ىشىندە: 29 جوسپارلى تەكسەرۋ؛ جەكە جانە زاڭدى تۇلعالاردىڭ، مەملەكەتتىك ورگانداردىڭ وتىنىشتەرى، سونداي-اق پروكۋراتۋرا ورگاندارىنىڭ تاپسىرمالارى بويىنشا 95 جوسپاردان تىس تەكسەرۋ جۇرگىزدى.

بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتى حابارلادى.

تەكسەرۋ بارىسىندا جەرگىلىكتى اتقارۋشى ورگانداردىڭ جەر ۋچاسكەلەرىن بەرۋ، بەرۋدەن باس تارتۋ جانە ولاردىڭ نىسانالى ماقساتىن وزگەرتۋ تۋرالى 27850 شەشىم قابىلداندى.

كورسەتىلگەن شەشىمدەردىڭ ىشىنەن 1571 شەشىم جەر زاڭناماسىنىڭ نورمالارى مەن تالاپتارىن بۇزا وتىرىپ قابىلدانعان، 143 شەشىم زاڭسىز نەمەسە ورىندالماعان رەتىندە كۇشىن جويۋعا جاتادى.

لاۋازىمدى تۇلعالارعا قاتىستى 261 اكىمشىلىك ءىس قوزعالدى.

جەرگىلىكتى اتقارۋشى جانە ۋاكىلەتتى ورگانداردىڭ لاۋازىمدى تۇلعالارىنا ايىپپۇل تۇرىندە 35 جازالاۋ شاراسى قابىلداندى، ايىپپۇلدىڭ قۇنى 4،1 ملن. تەڭگەنى قۇرايدى.

جەرگىلىكتى اتقارۋشى ورگاندارعا جەر زاڭناماسىن بۇزۋشىلىقتى، وعان ىقپال ەتەتىن سەبەپتەر مەن جاعدايلاردى جويۋ تۋرالى 84 نۇسقاما بەرىلدى.

سونىمەن قاتار، اكىمدىكتەردىڭ جانە ونىڭ ۋاكىلەتتى ورگاندارىنىڭ 9 لاۋازىمدى تۇلعاسى اكىمشىلىك جاۋاپكەرشىلىككە تارتىلدى.

بەرىلگەن نۇسقامالاردىڭ ناتيجەلەرى بويىنشا 101 زاڭسىز شەشىمنىڭ كۇشى جويىلدى، قالعاندارى بويىنشا نارازىلىق-تالاپ ەتۋ جۇمىسى جۇرگىزىلىپ جاتىر.

كوميتەت زاڭسىز قابىلدانعان شەشىمنىڭ كۇشىن جويۋ تۋرالى سوتقا 5 تالاپ-ارىز بەردى، ولاردى سوت تولىق قاناعاتتاندىردى.

سونىمەن، سوت تارتىبىندە سولتۇستىك قازاقستان وبلىسىنىڭ جامبىل، قىزىلجار اۋداندارى اكىمدىكتەرىنىڭ الاڭى 329،0 مىڭ گا اۋىل شارۋاشىلىعى ماقساتىنداعى جەردى «بوگۆي» جشس-قا، «دونسكوە» ج ش س پەن «ۆەگا» جشس-قا بەرۋ تۋرالى زاڭسىز قابىلدانعان شەشىمدەرىنىڭ كۇشى جويىلدى.

بۇگىنگى كۇنى «ۆەگا» جشس-نىڭ جەرى مەملەكەتتىك مەنشىككە قايتارىلدى، «بوگۆي» ج ش س پەن «دونسكوە» جشس-نىڭ جەرى زاڭسىز دەپ توقتاپ تۇر جانە ۇزاق ۋاقىت بويى نىسانالى ماقساتتا پايدالانىلماعاندىقتان مەملەكەتتىك مەنشىككە قايتارىلاتىن بولادى.

2015 جىلى كوميتەتتىڭ ماماندارى باقىلاۋدىڭ وزگە نىساندارىنا سايكەس پروكۋراتۋرا ورگاندارى جانە قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى قوزعاعان قىلمىستىق ءىستىڭ ماتەريالدارى بويىنشا 230 جەر ۋچاسكەسىنە قاتىستى 82 قورىتىندى دايىندادى

قىلمىستىق ىستەردى قاراۋدىڭ بارىسىندا ماماندار قورىتىندىلار دايىندادى، وسى قورىتىندىلاردىڭ نەگىزىندە لاۋازىمدى تۇلعالاردىڭ زاڭسىز جانە الاياقتىق ارەكەتتەرىنىڭ ناتيجەسىندە مەملەكەتكە 1 ملرد. 934 ملن. تەڭگە سوماسىندا شىعىن كەلگەنى انىقتالدى.

سوتتاردىڭ شەشىمدەرى بويىنشا 5 لاۋازىمدى تۇلعا سوتتالدى جانە مەملەكەتكە 158 ملن.