وسى اپتادا ەلىمىزدە ءبىرقاتار كادرلىق تاعايىنداۋلار جۇرگىزىلدى. ەلباسىنىڭ جارلىعىمەن ەلىمىزدىڭ شەتەلدەگى ءبىرقاتار ەلشىلەرى اۋىسسا، جەرگىلىكتى جەرلەردە دە، ق ر اسكەري پروكۋراتۋراسىندا دا، توتەنە جاعدايلار قىزمەتىندە دە كادرلىق ءاۋىس-تۇيىس ورىن الدى. نازارلارىڭىزعا قازاقپارات ازىرلگەن شولۋدى ۇسىنامىز.

سونىمەن مەملەكەت باسشىسى نۇرسۇلتان نازاربايەۆتىڭ جارلىقتارىمەن قايرات اسانياز ۇلى سارجانوۆ قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى،  ەرىك مىلتىقباي ۇلى وتەمبايەۆ قازاقستان رەسپۋبليكاسىنىڭ وزبەكستان رەسپۋبليكاسىنداعى، نۇرلان مۇساتاي ۇلى سەيتىموۆ قازاقستان رەسپۋبليكاسىنىڭ تاجىكستان رەسپۋبليكاسىنداعى، تيمۋر بەيبىتالى ۇلى ورازايەۆ قازاقستان رەسپۋبليكاسىنىڭ ارمەنيا رەسپۋبليكاسىنداعى، مۇرات ءابۋعالي ۇلى نۇرتىلەۋوۆ قازاقستان رەسپۋبليكاسىنىڭ فينليانديا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.

قازاقستان رەسپۋبليكاسى اسكەري پروكۋراتۋرا ورگاندارىندا دا كادرلىق تاعايىنداۋلار جۇرگىزىلدى. اتاپ ايتقاندا، ق ر باس پروكۋرورىنىڭ بۇيرىعىمەن الماتى گارنيزونىنىڭ اسكەري پروكۋرورى بولىپ ادىلەت پولكوۆنيگى ساتكەن تىلەكجان باۋىرجان ۇلى، ال  باس اسكەري پروكۋراتۋرا بۇيرىعىمەن باس اسكەري پروكۋراتۋرانىڭ قىلمىستىق ءۇردىستىڭ سوتقا دەيىنگى ساتىسىنىڭ زاڭدىلىعىن قاداعالاۋ باسقارماسىنىڭ باستىعى لاۋازىمىنا ادىلەت كىشى كەڭەسشىسى قۋانىشبايەۆ دانيار سۇلەيمەن ۇلى تاعايىندالدى.

ءماجىلىس اپپاراتىنىڭ باسشىسى بولىپ جۇگىنىسوۆ جاسۇلان ەسەنعالي ۇلى تاعايىندالدى. ول 1978 جىلى 17 ساۋىردە تۋعان. م.وسپانوۆ اتىنداعى باتىس قازاقستان مەملەكەتتىك مەديسينا اكادەمياسىن جانە ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىن بىتىرگەن. ەڭبەك جولىن 2001 جىلى اقتوبە قالاسىنداعى «رامازان» ءجشس-نىڭ مەنەدجەرى بولىپ باستادى. 2004-2006 جىلدارى  «تيان-شان اقتوبە» ج ش س ديرەكتورى. 2006-2008 جىلدار ارالىعىندا  اقتوبە قالاسى پروكۋراتۋراسىندا پروكۋرور كومەكشىسى، اعا كومەكشىسى، مەملەكەتتىك ورگاندار قىزمەتىنىڭ زاڭدىلىعىن قاداعالاۋ جونىندەگى ءبولىم باستىعى قىزمەتتەرىن اتقاردى. 2008-2011 جىلدارى  ق ر پارلامەنتى ءماجىلىسى اپپاراتىندا دەپۋتات كومەكشىسى، اقپارات-تالداۋ ءبولىمىنىڭ باس كونسۋلتانتى، سەكتور مەڭگەرۋشىسى، ءبولىم مەڭگەرۋشىسىنىڭ ورىنباسارى. 2011-2012 جىلدارى  ق ر پارلامەنتى ءماجىلىسى الەۋمەتتىك مادەني-دامۋ كوميتەتىنىڭ قىزمەتىن قامتاماسىز ەتۋ ءبولىمىنىڭ مەڭگەرۋشىسى. 2012-2016 جىلدارى  ق ر پارلامەنتى ءماجىلىسى اپپاراتى باسشىسىنىڭ ورىنباسارى بولدى.

پاۆلودار قالاسى اكىمىنىڭ مىندەتتەرىن اتقارۋشى بولىپ ەرجان يمانزايپوۆ تاعايىندالدى. ەرجان بەيبىت ۇلى يمانزايپوۆ س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن، الماتى ەكونوميكا جانە ستاتيستيكا اكادەمياسىن ءتامامدادى. ەڭبەك جولىن 2006 جىلدىڭ ناۋرىزىندا پاۆلودار قالاسى «پاۆلودارەنەرگو» اكسيونەرلىك قوعامىنىڭ ماشينيست-قاراۋشىسى بولىپ باستادى. 2006 جىلدىڭ شىلدەسىنەن باستاپ مەملەكەتتىك قىزمەتتە: «پاۆلودار قالاسىنىڭ تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» مم تۇرعىندارمەن جۇمىس جونىندەگى بولىمدە باس مامان؛ قازاقستان رەسپۋبليكاسى يندۋستريا جانە ساۋدا مينيسترلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى باسقارماسى تۇرعىن ۇي-كوممۋنالدىق شارۋاشىلىق ءبولىمىنىڭ جەتەكشى مامانى. 2007 جىلدىڭ ناۋرىزىنان باستاپ قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى تابيعي مونوپوليالاردى رەتتەۋ جونىندە باسقارماسىنىڭ جەتەكشى مامانى؛ تاريفتىك رەتتەۋ باسقارماسىنىڭ جەتەكشى مامانى؛ تاريفتىك، تەحنيكالىق رەتتەۋ جانە ءادىسناما باسقارماسىنىڭ ساراپتاۋشىسى؛ 2011 جىلدىڭ ساۋىرىنەن 2013 جىلدىڭ ماۋسىمىنا دەيىن اقمولا وبلىسى بويىنشا تابيعي مونوپوليالاردى رەتتەۋ اگەنتتىگى دەپارتامەنتى ديرەكتورىنىڭ ورىنباسارى؛ 2013 جىلدىڭ ماۋسىمىنان 2014 جىلدىڭ ناۋرىزىنا دەيىن تاريفتىك، تەحنيكالىق رەتتەۋ جانە ءادىسناما باسقارماسى باسشىسىنىڭ؛ ەلەكتر جانە جىلۋ ەنەرگەتيكاسى سالاسىندا رەتتەۋ جونىندەگى دەپارتامەنتى ديرەكتورىنىڭ ورىنباسارى لاۋازىمىندا قىزمەت اتقارادى. 2014 جىلدىڭ ءساۋىر ايىنان باستاپ پاۆلودار قالاسى اكىمىنىڭ ورىنباسارى بولدى.

ق ر ىشكى ىستەر ءمينيسترىنىڭ بۇيرىعىمەن يبراگيم كۇلشىمبايەۆ قاراعاندى وبلىسى تج دەپارتامەنتىنىڭ باستىعى بولىپ تاعايىندالدى. يبراگيم داۋكەس ۇلى قاراعاندى وبلىسىنىڭ نۇرا اۋدانى امانتاۋ اۋىلىندا دۇنيەگە كەلگەن. قاراعاندى پوليتەحنيكالىق ينستيتۋتىن بىتىرگەن. رەسەي تجم-نىڭ ازاماتتىق قورعانىس اكادەمياسىن ءتامامداعان. 2009 جىلدان 2013 جىلعا دەيىن تج ءمينيسترىنىڭ قورى بولىپ تابىلاتىن جانە تابيعي جانە تەحنوگەندىك توتەنشە جاعدايلاردى جويۋعا باعىتتالعان مىندەتتەردى ورىندايتىن  52859 اسكەري ءبولىمىن باسقاردى. جاڭا تاعايىنداۋعا دەيىن استانا قالاسى تج دەپارتامەنتىنىڭ باستىعى لاۋازىمىندا قىزمەت ەتتى. ي. كۇلشىمبايەۆ ورمان ورتتەرىن سوندىرۋگە، وڭتۇستىك قازاقستانداعى سىرداريا ارناسىنداعى كوكساراي بوگەتىنىڭ قۇرىلىسىنا، قاراعاندىداعى «بەسوبا» تۇرعىن ءۇي كەشەنىندە قيراعان ءۇيىندىنى جيناۋعا،  شىعىس قازاقستانداعى تارباعاتاي اۋدانىندا تاسقىن سۋدىڭ زاردابىن جويۋعا اتسالىستى. «قازاقستان رەسپۋبليكاسىنىڭ قارۋلى كۇشتەرىنە 10 جىل»، ءىىى دارەجەلى «ءمىنسىز قىزمەتى ءۇشىن»، «توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 20 جىل»، «قازاقستان رەسپۋبليكاسىنىڭ قارۋلى كۇشتەرىنە 20 جىل»، «قۇتقارۋ وپەراسيالارىنا بەلسەندى قاتىسقانى ءۇشىن»، «توتەنشە جاعدايلار ورگاندارىنىڭ قۇرمەتتى قىزمەتكەرى»  مەدالدارىمەن جانە توسبەلگىلەرىمەن ماراپاتتالعان.

ال اقمولا وبلىستىق تجد باسشىسى قىزمەتىنە وسىعان دەيىن ق ر ءىىم تجك توتەنشە جاعدايلاردى جويۋ باسقارماسىنىڭ باسشىسى بولعان ازاماتتىق قورعانىس پودپولكوۆنيگى الەكسەي سەرگەيەۆيچ سوۆەتوۆ تاعايىندالدى. ا.سوۆەتوۆ، اقمولا وبلىسى كوكشەتاۋ قالاسىندا تۋعان. 1999 جىلى ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن ءتامامداعان.  1999-2005 جىلى وبلىستىق تجب اقپارات، بايلانىس جانە حابارلاندىرۋ ءبولىمىنىڭ اعا وفيسەرى قىزمەتىن اتقارادى. 2005 جىلى وبلىستىق تجد اقپارات، بايلانىس جانە حابارلاندىرۋ ءبولىمىنىڭ باسشىسى قىزمەتىن اتقاردى. 2008 جىلى رەسەيدىڭ تجم ازاماتتىق قورعانىس اكادەمياسىن ۇزدىك جانە التىن مەدالعا ءتامامدادى. 2009-2014 جىلدار ارالىعىندا ق ر تجم توتەنشە جاعدايلاردى جويۋ دەپارتامەنتىنىڭ باسشىسى قىزمەتىندە بولدى. ءىى دارەجەلى «ايبىن» وردەنىمەن ماراپاتتالعان.

«نۇر وتان» پارتياسى قىزىلوردا وبلىستىق فيليالى ءتوراعاسىنىڭ ءبىرىنشى ورىنباسارى قىزمەتىنە يبادۋللا قۇتتىقوجايەۆ كەلدى. يبادۋللا دۇيسەنباي ۇلى 1957 جىلى قىزىلوردا قالاسىندا دۇنيەگە كەلگەن. جوعارى ءبىلىمدى. فيلوسوفيا عىلىمدارىنىڭ كانديداتى. ءار جىلدارى قالالىق جانە وبلىستىق مەكەمەلەردە جاۋاپتى قىزمەتتەر اتقارعان. ماسەلەن، 2004-2007 جىلدارى قىزىلوردا قالاسى اكىمىنىڭ ورىنباسارى. سوڭعى ەكى شاقىرىلىمدا قىزىلوردا قالالىق ءماسليحاتىنىڭ حاتشىسى بولعان.

ال «نۇر وتان» پارتياسىنىڭ الماتى قالالىق فيليالى ءتوراعاسىنىڭ ءبىرىنشى ورىنباسارى قىزمەتىنە جۇلدىز وماربەكوۆا كەلدى. ول 1983 جىلى الماتىدا دۇنيەگە كەلگەن. 2012-2014 جىلدارى الماتى قالالىق مادەنيەت باسقارماسى باسشىسىنىڭ ورىنباسارى بولعان. 2015-2016 جىلدارى ناۋرىزباي اۋدانى اكىمىنىڭ ورىنباسارى قىزمەتىن اتقارعان. ول «باۋىرجان» قايىرىمدىلىق قورىنىڭ پرەزيدەنتى.

«بەينەۋ-شىمكەنت» گاز قۇبىرى» ءجشس-نىڭ باس ديرەكتورى بولىپ سەرىك ەستاي تاعايىندالدى. ول 1967 جىلى 28 قىركۇيەكتە وڭتۇستىك قازاقستان وبلىسىندا دۇنيەگە كەلگەن. الماتى ەنەرگەتيكالىق ينستيتۋتىن، قازاق مەملەكەتتىك زاڭ اكادەمياسىن ءتامامداعان. تەحنيكا عىلىمىنىڭ كانديداتى. ەڭبەك جولىن 1984 جىلى «اۋىل شارۋاشىلىق حيمياسى» وب-تە جۇمىسشى بولىپ باستادى. 1992-1993 جىلدارى - «وردا» ينۆەستيسيالىق قورىندا باس مامان. 1993-1995 جىلدارى «گارانت» اق-نىڭ كوممەرسيا جونىندەگى ۆيسە-پرەزيدەنتى. 1995 جىلى اۆتوكولىك كاسىپورنىندا ديرەكتوردىڭ شەاب متج جونىندەگى ورىنباسارى. 1995-1996 جىلدارى «ۋەيكفيلد ينسپەكشەن سەرۆيس لتد» جشس-نىڭ باس ديرەكتورىنىڭ ورىنباسارى. 1996-1998 جىلدارى «شىمكەنتگاز» اق-نىڭ ساتۋ ءبولىمىنىڭ باستىعى. 1998-1999 جىلدارى «الاۋگاز» الماتى فيليالىندا ءبولىم باستىعى. 1999 جىلى ق ر كەدەن ورگاندارىندا ەنەرگەتيكالىق كەدەننىڭ باس ينسپەكتورى بولىپ جۇمىس ىستەدى. 1999-2000 جىلدارى سالىق پوليسياسىنىڭ اعا ينسپەكتور. 2000-2002 جىلدارى «ينتەرگاز ورتالىق ازيا» جاق-نىڭ بيۋدجەت پەن ساتىپ الۋدى باقىلاۋ ءبولىمىنىڭ مامانى، متج دەپارتامەنتىنىڭ 1-ساناتتى مامانى. 2002-2003 جىلدارى «قازترانسگاز» جاق-نىڭ وڭىرلەرمەن جۇمىس ىستەۋ جونىندەگى باسقارماسىنىڭ باستىعى، باس ديرەكتوردىڭ ورىنباسارى. 2003 جىلى «قازترانسگاز» جاق-نىڭ گازدى تاسىمالداۋ جانە ماركەتينگ دەپارتامەنتى گازدى تاسىمالداۋ جانە كليرينگ ءبولىمىنىڭ باس مەنەدجەرى. 2003-2004 جىلدارى «ينتەرگاز ورتالىق ازيا» جاق-نىڭ «وڭتۇستىك» ماگيسترالدىق گاز قۇبىرلارى باسقارماسىندا ديرەكتوردىڭ جالپى ماسەلەلەر جونىندەگى ورىنباسارى. 2004 جىلى «قازترانسگاز ديستريبتيۋشن» جاق-ىندا باس ديرەكتوردىڭ ورىنباسارى، باس ديرەكتوردىڭ ءبىرىنشى ورىنباسارى. 2004 جىلعى جەلتوقساننان باستاپ 2007 جىلعى قىركۇيەككە دەيىن - «قازترانسگاز ايماق» اق-نىڭ باس ديرەكتورى. 2007-2016 جىلدارى «ينتەرگاز ورتالىق ازيا» اق-نىڭ باس ديرەكتورى، باس ديرەكتورىنىڭ ورىنباسارى بولدى.