وڭتۇستىك كورەيانىڭ كانۆون پروۆينسياسىندا 54 جاستاعى قازاقستان ازاماتى ميناعا ءتۇسىپ قالعان، - دەپ حابارلايدى «قامشى» پورتالى قازاقستاننىڭ سىرتقى ىستەر مينيسترلىگى باسپا ءسوز قىزمەتىنە سىلتەمە جاساپ.
4 ءساۋىر كۇنى وڭتۇستىك كورەيانىڭ كحدر-مەن شەكارالاس كانۆون پرويۆنسياسىندا ميناعا ءتۇسىپ قالعان.
«جاراقات العان ازامات العاشقى مەديسينالىق جاردەم كورسەتىلگەن سوڭ ساناۆياسيا ۇشاعىمەن سەۋل اۋرۋحاناسىنا جەتكىزىلىپ، وتا جاسالدى. جارىلىس سالدارىنان اتالعان ازامات وڭ اياعىنىڭ ءتورت بىردەي باقايىنان ايرىلدى»، - دەلىنگەن ءسىم تاراتقان حابارلامادا.
جاراقات العان ازامات وڭتۇستىك كورەياعا دارىگەرلەرگە قارالۋ ءۇشىن بارىپ، سول جاقتا جۇمىسقا قالىپ قويعان. ول اڭداۋسىزدا باسىپ كەتكەن مينا 1951-1953 جىلدارداعى كورەي سوعىسىنان قالعان بولۋى مۇمكىن. قازاقستاننىڭ اتالعان ەلدەگى ەلشىلىگى ءقازىر وقيعا ورنىندا ۇلتتىق پوليسيا مەن قورعانىس ۆەدومستۆوسىنىڭ ماماندارى جۇمىس ىستەپ جاتقانىن حابارلادى.
