بۇگىن استاناداعى مامانداندىرىلعان اۋدانارالىق قىلمىستىق ىستەر جونىندەگى سوتىندا «ەكسپو-2017»ۇك» اق بۇرىنعى باسشىسى تالعات ەرمەگيايەۆتىڭ ىسىنە قاتىستى ءبىرىنشى سوت وتىرىسى باستالدى. بيۋدجەت قاراجاتىن تالان-تاراجعا سالدى دەپ ايىپتالىپ وتىرعان ەكس-باسشىنىڭ ءىسى بويىنشا سوتتى بولعان 23 ايىپتالۋشىنىڭ 14ء-ى تولىعىمەن ءوز كىناسىن مويىندادى، - دەپ حابارلايدى «قامشى» پورتالى today.kz – كە سىلتەمە جاساپ.

وتىرىس بارىسىندا سۋديا ايىپتالۋشىلاردان ولارعا تاعىلىپ وتىرعان ايىپتار بويىنشا كىناسىن مويىندايتىنىن-مويىندامايتىنىن سۇرادى: 12 فيگۋرانت، ولاردىڭ اراسىندا "استانا ەكسپو-2017"ۇك" اق باسقارما ءتوراعاسىنىڭ بۇرىنعى كونسۋلتانتى قاجىمۇرات ۇسەنوۆ،  "SHM+Architects" ج ش س ەكس-ديرەكتورى شوقان ماتايبەكوۆ، "Rona LTD" ج ش س جوبالىق كومپانياسىنىڭ باسقارۋشىسى ورال ءيبادىلدينا، "Southfork ltd." ج ش س ديرەكتورى سەيىت سەيىتوۆ، "Southfork ltd." ج ش س باس ديرەكتورى نۇرلان اقپامبەتوۆ، "قۇرىلىس كونسالتينگ" اق وكىلى سەرىك نايزابەكوۆ، "كومپانيا ادكس" ج ش س ەكس-پرەزيدەنتى مارس شورمانوۆ، "ادس كومپانياسى" ج ش س قۇرىلتايشىسى الپىسبەك تىلەكمەتوۆ، "پەتروسپەك" ج ش س ديرەكتورى ەرلان تىلەۋوۆ، جالعان كاسىپورىندار جەلىسىن ۇيىمداستىرعان سەرگەي يلين، سونداي-اق قاراجاتتى قولما-قول اقشاعا اينالدىرىپ وتىرعان سامات سارداربەكوۆ پەن تالعات ساعىندىقوۆ كىناسىن تولىعىمەن مويىنداپ، ءوز ىستەرىنە وكىنەتىندەرىن جەتكىزدى.

تاعى ەكى فيگۋرانت – "استانا ەكسپو-2017" ۇك اق "ەكسپو قۇرىلىسىنىڭ ديرەكسياسى" فيليالىنىڭ ەكس-ديرەكتورى ۆياچەسلاۆ پياگاي، ت.ەرمەگيايەۆتىڭ سەنىمدى وكىلى رەنات اقىلبايەۆ كىناسىن جارىم-جارتىلاي مويىندادى.

وسىلايشا اتىشۋلى قىلمىستىق ءىستىڭ 23 فيگۋرانتىنىڭ 14ء-ى كىناسىن مويىنداپ وتىر. ايتا كەتسەك، باس ايىپتالۋشى تالعات ەرمەگيايەۆ وزىنە تاعىلعان ايىپتى جوققا شىعارىپ، كىناسىن مويىنداۋدان باس تارتتى.

ەستەرىڭىزگە سالىپ وتسەك، ەكسپو-2017 توڭىرەگىندەگى اقشا جىمقىرۋعا قاتىستى قىلمىستىق ءىس بەس ەپيزودتان تۇرادى، قىلمىستىق ءىس ماتەريالدارى 540 تومدى قۇرايدى.