قاراعاندى وبلىسى شەت، جاڭاارقا اۋداندارىنداعى سۋ باسسەيندەرىنىڭ ەرنەۋىنەن اسىپ، جولداردى شايىپ جاتقانىن بۇعان دەيىن جازعان بولاتىنبىز. توتەنشە جاعدايلار قىزمەتى وسى سۋ شايعان جولداردىڭ ۆيدەو جازباسىن جاريالاپ وتىر.
قىزىلوردا-پاۆلودار رەسپۋبليكالىق تاس جولىنىڭ ءبىر بولىگىن 4 ساۋىرگە قاراعان ءتۇنى نۇرا-سارىسۋ سۋ باسسەينىندەگى تومەنگى نارباق قويماسىنىڭ جارىلۋىنان سۋ الىپ كەتكەن. تجد وكىلدەرى كەشە ساعات 11.00 شاماسىندا سۋ دەڭگەيىنىڭ تومەندەگەنىن حابارلاپ وتىر. الايدا، زاقىمدانعان جولداردا ءقازىر كولىك قوزعالىسى تەك ءبىر باعىتتى جولاق بويىنشا جۇرۋدە.
تجد وكىلدەرى ءقازىر جولداردى قالپىنا كەلتىرۋ جۇمىستارى ءجۇرىپ جاتقانىن جانە ەلدى مەكەندەردى سۋ الۋ ءقاۋپى جوق ەكەندىگىن حابارلادى.
