الماتىلىق «قايرات» فۋتبول كلۋبىگىڭ باس باپكەرى الەكساندر بوروديۋك قىزمەتىنەن كەتتى، - دەپ حابارلايدى «قامشى» پورتالى.

كلۋب باسپا ءسوز قىزمەتى تاراتقان حابارلامادا ەڭبەك كەلىسىمى رەسەيلىك باپكەردىڭ باستاماسىمەن توقتاتىلعان.

«كلۋب باسشىلىعى باپكەردى ورنىندا قالتىرۋ ءۇشىن بارىن سالدى. ءبىراق، الەكساندر بوروديۋك «قايراتتان» كەتۋ تۋرالى شەشىمىنەن اينىمادى. كلۋب باپكەرگە اتقارعان جۇمىسى ءۇشىن ريزاشىلىق ءبىلدىرىپ، بۇدان ارعى قىزمەتىنە تابىس تىلەيدى»، - دەلىنگەن كلۋب تاراتقان حابارلامادا.

بوروديۋكتىڭ كەتەتىنى تۋرالى العاش رەت «قايرات» «اق جايىق» كومانداسىنان 1:2 ەسەبىمەن ۇتىلعاننان كەيىن ايتىلا باستاعان ەدى.

ەستەرڭىزگە سالساق، رەسەيلىك باپكەر بۇل قىزمەتكە بىلتىر 28 جەلتوقساندا تاعايىندالىپ، ونىمەن جاسالعان كەلىسىم شارت مەرزىمى ءۇش جىلعا جوسپارلانعان ەدى.