مىڭداعان تۇرعىن ەل استاناسى رەيكياۆيكا كوشەلەرىنە شىعىپ، ەسىمى جەكسەنبى كۇنى كوررۋپسيا مەن ۇيىمداسقان قىلمىستى زەرتتەۋ ورتالىعى (Organised Crime and Corruption Reporting Project - OCCRP) مەديا توبى مەن حالىقارالىق جۋرناليستىك زەرتتەۋلەر كونسورسيۋمى (ICIJ) جانە بىرنەشە الەم باسىلىمدارى جاريالاعان تىزىمگە ەنگەن پرەمەر-مينيستر سيگميۋنديۋر گيۋننلەيگسسوننىڭ وتستاۆكاعا كەتۋىن تالاپ ەتۋدە، - دەپ حابارلايدى «قامشى» پورتالى ۆۆس – گە سىلتەمە جاساپ.

پارلامەنت ءۇيىنىڭ جانىنا جينالعان حالىق پرەمەردىڭ وتستكاۆكاعا كەتۋىن تالاپ ەتۋدە. پوليسيا ازىرگە شەرۋشىلەردىڭ ناقتى سانىن اتاماي وتىر. الايدا، اقپارات قۇرالدارى ەرەۋىلگە شىققانداردىڭ ۇزىن سانى مىڭنان اساتىنىن جازۋدا.

پرەمەر-مينيستر سيگميۋنديۋر گيۋننلەيگسسوننىڭ كەشە Channel تەلەارناسىنا سۇحبات بەرىپ، «پاناما تىزىمىنە» بولا قىزمەتتەن كەتۋ ويى جوقتىعىن مالىمدەگەن ەدى.

اقپارات قۇرالدارى «پاناما ءتىزىمى» اتاپ كەتكەن اتىشۋلى ءتىزىم جەكسەنبى كۇنى پايدا بولدى. كوررۋپسيا مەن ۇيىمداسقان قىلمىستى زەرتتەۋ ورتالىعى (Organised Crime and Corruption Reporting Project - OCCRP) مەديا توبى مەن حالىقارالىق جۋرناليستىك زەرتتەۋلەر كونسورسيۋمى (ICIJ) جانە بىرنەشە الەم باسىلىمدارى پانامالىق Mossack Fonseca زاڭ كومپانياسىنىڭ اشكەرە بولىپ كەتكەن قۇجاتتارىن جاريالادى. وندا وففشورلىق شوتتارعا يە الەم ەلدەرىنىڭ 20-دان استام قازىرگى جانە بۇرىنعى پرەزيدەنتتەرىنىڭ، 200 شاقتى لاۋازىمدى تۇلعالاردىڭ ەسىمدەرى اتالادى. ولاردىڭ قاتارىندا رف باسشىسى ۆ. ءپۋتيننىڭ سەرىكتەستەرى، ۋكراينا پرەزيدەنتى پ. پوروشەنكو جانە قازاقستان پرەزيدەنتىنىڭ جيەن نەمەرەسى، استانا قالاسى اكىمىنىڭ بۇرىنعى ورىنباسارى، كاسىپكەر ءنۇرالى الييەۆ تە بار.