وڭتۇستىك قازاقستان وبلىسى اكىمىنىڭ ورىنباسارى بولىپ جاقىپ قۇتتىبەك ۇلى بوكەنبايەۆ تاعايىندالدى، - دەپ حابارلايدى «قامشى» پورتالى وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

«قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وڭتۇستىك قازاقستان وبلىسى اكىمى بەيبىت اتامقۇلوۆتىڭ وكىمىمەن 2016 جىلدىڭ 6 ءساۋىر كۇنى وبلىس اكىمىنىڭ ورىنباسارى لاۋازىمىنا جاقىپ قۇتتىبەك ۇلى بوكەنبايەۆ تاعايىندالدى» دەلىنگەن باسپا ءسوز قىزمەتى تاراتقان حابارلامادا.

جاقىپ بوكەنبايەۆ 1969 جىلى تۋعان، ءبىلىمى جوعارى، ماماندىعى - ينجەنەر-مەحانيك، بۋحگالتەر-ەكونوميست.

ەڭبەك جولىن وڭتۇستىك قازاقستان وبلىسى شىمكەنت قالاسىنداعى «3-ەنەرگوورتالىق» ااق اتقارۋشى ديرەكتورى بولىپ باستاعان. 2002-2005 جىلدارى «3-ەنەرگوورتالىق» ااق باس ديرەكتورىنىڭ ءبىرىنشى ورىنباسارى جانە باس ديرەكتورى، «تۇركىستانەنەرگو» ااق وڭالتۋدى باسقارۋشىسى جانە اتقارۋشى ديرەكتورى، «وڭتۇستىك جارىق» ج ش س ديرەكتورى، «استانا-فينانس» اق ديرەكتورلار كەڭەسىنىڭ مۇشەسى، «قازاقستاندىق كوممۋنالدىق جۇيەسى» اق-نىڭ پرەزيدەنتى، «Investment Company Capital Management» ءجشس-نىڭ باس ديرەكتورى رەتىندە ەڭبەك ەتكەن.

2009-2013 جىلدارى ق ر يندۋستريا جانە ساۋدا مينيسترلىگى ونەركاسىپ كوميتەتى ءتوراعاسىنىڭ ورىنباسارى، ق ر يندۋستريا جانە جاڭا تەحنولوگيالار مينيسترلىگى ەلەكتر ەنەرگەتيكاسىن جانە كومىر ونەركاسىبىن دامىتۋ دەپارتامەنتىنىڭ ديرەكتورى، ەلەكتر ەنەرگەتيكاسىن جانە كومىر ونەركاسىبى دەپارتامەنتىنىڭ ديرەكتورى، «كازاقەنەرگوساراپتاما» اق ەلەكتر ەنەرگەتيكاسىن دامىتۋ دەپارتامەنتىنىڭ ديرەكتورى، «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى (كازاقەنەرگياساراپتاما)» اكسيونەرلىك قوعامىنىڭ باسقارما ءتوراعاسى بولعان.

وبلىس اكىمىنىڭ ورىنباسارى لاۋازىمىندا ول تۇرعىن ءۇي - كوممۋنالدىق شارۋاشىلىق، ەنەرگەتيكا، كولىك، تابيعات پايدالانۋ مەن تاريف ساياساتىن، بايلانىس جانە كوممۋنيكاسيا سالالارىنا جەتەكشىلىك ەتەتىن بولادى، - دەپ حابارلايدى وقو اكىمىنىڭ باسپا ءسوز قىزمەتى.