قازاقستان پرەزيدەنتى نۇرسۇلتان نازاربايەۆ اقش-تا وتكەن يادرولىق قاۋىپسىزدىك جونىندەگى سامميت بارىسىندا باراك وباماعا سىيلىق جاسادى، - دەپ حابارلايدى «قامشى» پورتالى پرەزيدەنتتىڭ باسپا ءسوز حاتشىسى داۋرەن ابايەۆقا سىلتەمە جاساپ.
ۆاشينگتونداعى باس قوسۋدا ەلباسى سامميت جۇمىسىنان باسقا 15 شاقتى شەت مەملەكەتتەر مەن ۇكىمەت باسشىلارىمەن كەزدەسۋ وتكىزگەن. سونداي-اق، پرەزيدەنت ن. نازاربايەۆ اقش-تىڭ تانىمال ساياسي جانە قوعام قايراتكەرلەرىمەن دە جۇزدەسكەن.
«سامميت بارىسىندا نۇرسۇلتان نازاربايەۆ اقش باسشىسى باراك وباماعا سىيلىق جاسادى. ەستەرىڭىزدە بولسا، 2012 جىلى باراك وباما سەۋلدە وتكەن سامميتتە ەلباسىدان قازاقتىڭ تۇمارىن سىيلىق رەتىندە العان بولاتىن. بۇل جولى نۇرسۇلتان ءابىش ۇلى وعان سيمۆوليكالىق ماعىناسى زور سىيلىق – قازاق سۋرەتشىسى، حالىقارالىق انتيادرولىق قوزعالىستىڭ بەلسەندى مۇشەسى، اتوم جوباسىنىڭ قۇرمەتتى ەلشىسى كارىپبەك كۇيىكوۆ سالعان «جارىلىس» كارتيناسىن سىيعا تارتتى»، - دەيدى داۋرەن ابايەۆ.
