ق ر مادەنيەت جانە سپورت مينيسترلىگى تاعى دا ق ر مادەنيەت جانە سپورت ءمينيسترىنىڭ قولىمەن بەكىتىلگەن تىلدەردى دامىتۋ جانە قوعامدىق-ساياسي جۇمىس كوميتەتىنىڭ  ەرەجەسى» اتتى بۇيرىقتا 50 شاقتى گرامماتيكالىق قاتە شىققان، - دەپ جازادى «قامشى» پورتالى «قازاق ءۇنى» سايتىنا سىلتەمە جاساپ.

سايتقا مەرەكە الاش ەسىمدى وقىرمان مينيستر بۇيرىعىنىڭ فوتوكوشىرمەسىن جولداعان. بار-جوعى 4 بەتتىك بۇيرىقتىڭ ءار بەتىندە 20-عا جۋىق گرامماتيكالىق قاتە ءجۇر. بۇيرىقتى دايىنداعان ماماندار «ق» مەن «ك»، «ع» مەن «گ»، «س» مەن «ڭ»، «پ» مەن «ن» ارىپتەرىن ايىرا المايتىن سەكىلدى.

«سۇمدىق! مىنانى كورسەڭىز، كوزىڭىز ءتۇسىپ قالماسىن! قۇرمەتتى ءتىل جاناشىرلارى جانە جۋرناليستەر، ءسىز بولىپ، ءبىز بولىپ، ءتىلىمىز ءۇشىن تىرلىك جاساماساق، مينيسترلىك قايدان جاسايدى مىنا تۇرىمەن. ءبىر عانا بۇيرىقتا 50 شاقتى قاتەنى كورىپ، ق ر مادەنيەت جانە سپورت ءمينيسترىنىڭ قولىمەن بەكىتىلگەن تىلدەردى دامىتۋ جانە قوعامدىق-ساياسي جۇمىس كوميتەتىنىڭ  ەرەجەسى ەكەنىنە كۇمانداناسىز. مەملەكەت ءۇشىن ماڭىزى بار، اسىرەسە، قازاق ءتىلى ءۇشىن ماڭىزدى بۇل بۇيرىق قاتەمەن بەكىتىلسە، ورىندالاتىن شارۋا نە بولماق؟! سوندىقتان دا انا ءتىلىڭىز ءۇشىن جانىڭىز اشىسا، مىنا سۇمدىقتىڭ تۇزەتىلۋىنە قولداۋ كورسەتىڭىز. ۇلكەن راقمەت!»، - دەپ جازادى مەرەكە الاش.

قاتە ءورىپ جۇرگەن بۇيرىققا ويلانباستان قول قويا سالعان مينيستر ارىستانبەك مۇحامەدي ۇلىنىڭ اڭعالدىعىنا دا قايران قالماسقا شارا جوق.