پرەزيدەنت نازاربايەۆ تاۋلى قاراباققا تالاسىپ سوعىسىپ جاتقان ارمەنيا جانە ازەربايجان باسشىلارىمەن تەلەفون ارقىلى سويلەستى، - دەپ حابارلايدى «قامشى» پورتالى اقوردانىڭ باسپا ءسوز قىزمەتىنە سىلتەمە جاساپ.
«ەكى ەلدىڭ كوشباسشىلارىمەن اڭگىمە بارىسىندا نۇرسۇلتان نازاربايەۆ تاۋلى قاراباق ايماعىندا تاياۋدا بولعان وقيعا بارىسىندا قاراپايىم ادامدار مەن اسكەري قىزمەتشىلەردىڭ قازا بولۋىنا بايلانىستى كوڭىل ايتتى.
قازاقستان پرەزيدەنتى ەكى ەل باسشىلارىن تاۋلى قاراباقتاعى احۋالدى ۋشىقتىرماۋعا جانە بەيبىت كەلىسسوزدەردى حالىقارالىق قۇقىققا تولىق سايكەستىكتە قايتا قالپىنا كەلتىرۋگە شاقىردى. بۇل رەتتە ەقىۇ-نىڭ مينسك توبىنا ايرىقشا ءرول بەرىلەدى». دەلىنگەن باسپا ءسوز قىزمەتى تاراتقان حابارلامادا.
اقوردا باسپا ءسوز قىزمەتىنىڭ ايتۋىنشا، سونداي-اق ەكىجاقتى ىنتىماقتاستىقتىڭ ءبىرقاتار ماسەلەلەرى تالقىلاندى.
