سەنات ءتوراعاسى قاسىم-جومارت توقايەۆ حالىقارالىق تۇركى اكادەمياسىنىڭ پرەزيدەنتى دارحان ءقىدىرالىنى قابىلدادى، - دەپ حابارلايدى «قامشى» پورتالى قازاقپاراتقا سىلتەمە جاساپ.
ول جوعارعى پالاتانىڭ باسشىسىن ناۋرىزدىڭ سوڭىندا بۇۇ شتاب-پاتەرىندە بولعان «جىبەك جولىنىڭ بويىنداعى سينەرگيا جانە بۇۇ 2030 كۇن ءتارتىبى» حالىقارالىق سيمپوزيۋمى تۋرالى حاباردار ەتتى.
جوعارعى دەڭگەيدەگى فورۋم العاش رەت ۇلى جىبەك جولىنىڭ اياسىنداعى جان-جاقتى ىنتىماقتاستىقتىڭ وزەكتى ماسەلەلەرىن تالقىلادى جانە بۇۇ-عا مۇشە مەملەكەتتەرگە ءتيىستى ۇسىنىمدار ازىرلەدى.
ق.توقايەۆ قازاقستان پرەزيدەنتى ن.نازاربايەۆتىڭ باستاماسى بويىنشا قۇرىلعان تۇركى اكادەمياسىنىڭ بۇدان بىلايعى تابىستى قىزمەتىنە تىلەكتەستىگىن ءبىلدىردى.
