ماڭعىستاۋ وبلىسىنىڭ جەتىباي كەنتىنىڭ حالقى اكىمدەرىن تۇتىپ-جەپ جىبەرۋگە از قالدى. جەتىبايدىڭ 400-گە جۋىق تۇرعىنى اۋدان اكىمى ايساعالي نۇعىمانوۆتىڭ "حالىقتىڭ 0،4 پايىزى عانا جۇمىسسىز" دەگەن ەسەبىنە اشۋلى. 14 مىڭ حالقى بار كەنتتىڭ رەسمي ەسەپتە تەك 50 ادامى عانا جۇمىسسىز. الايدا، جاستار جۇمىسسىز، قارتتار كۇنىن كورۋدەن قالدى  دەگەن جۇزدەگەن حالىقتىڭ شۋىنا،  تۇششىمدى ءۋاج ايتا الماعان اكىمدەر كلۋبتان قاشىپ شىعۋعا ءماجبۇر بولدى.

اعزام جۇمساقوۆ، جەتىباي اۋىلىنىڭ تۇرعىنى:

اۋدان اكىمى 0،4 پروسەنت دەپتى. كوميسسيا شىققاندا، 40-50 پروسەنتكە جەتىپ قالدى جۇمىسسىزدىق.

قالامقاس ەرعالييەۆا، جەتىباي اۋىلىنىڭ تۇرعىنى:

نۇرسۇلتان ءابىش ۇلىنىڭ ايتقانى: مۇنايدان ءبىر ادام جۇمىس جاساسىن. سوعان شۇكىر بولار ەدى. 5 بالامەن كۇيەۋىم جۇمىس جاسامايدى.

جەتىبايدىڭتوڭىرەگىندەمۇنايورىندارىكوپ. ءبىراق، وندا ەلدىڭ ءبارىن الاتىن جۇمىس از. سول سەبەپتى حالىق اكىمدىك جالعان ەسەپپەن جۇمىسسىزدىقتى جاسىرعانشا، جاڭا كاسىپورىندار اشسا دەيدى. ال، جەتىبايدىڭ اكىمى ونداي جەرلەر بولاشاقتا اشىلادى دەيدى.

حالىق پەن اكىمنىڭ ەكى ساعاتتىق پىكىرتالاسى ناقتى ەشتەڭەنى شەشكەن جوق. ەل وبلىس اكىمى كەلمەي ماسەلە شەشىلمەيدى دەگەن سوڭ، اكىم مەن كومەكشىلەرى زالدى تاستاي قاشتى.

اكىم زالدى تاستاي قاشقان سوڭ، حالىقتا ونى وكشەلەي قۋعاننان باسقا امال بار ما؟ ۇجىمداسقان ەل اكىمدى كابينەتىنە دەيىن قۋىپ باردى. اكىم ولارعا 65 ادامدىق تىگىن سەحىن، قوناق ءۇي قۇرىلىسىنا 120 ادام، 120 الەۋمەتتىك جۇمىس ورنى اشىلاتىنىن ايتتى. ال، وبلىستىق اكىمدىك جەتىبايدا 50 جۇمىسسىز، ونىڭ جارتىسى جۇمىسقا تۇرىپ ۇلگەردى دەگەن مالىمەت بەردى.

دەگەنمەن، جەتىبايدىڭ حالقى ءالى دە بولسا اكىمدىكتەن ۋادە ەمەس، ناقتى ارەكەت كۇتىپ وتىر.

31.kz