2015 جىلدىڭ ءىىى توقسانىندا قازاقستاننىڭ سىرتقى قارىزدارى 155،57 ميلليارد دوللاردى قۇرادى، - دەپ جازادى LS.

ول قارىزداردىڭ ۇشتەن ءبىر بولىگى نيدەرلاندىعا تيەسىلى. بۇدان باسقا قارىزدىڭ 18 پايىزى ۇلىبريتانياعا، 9 پايىزى قىتايعا تيەسىلى كورىنەدى.

ۇلتتىق بانك دەرەكتەرىنە سۇيەنسەك، وتكەن جىلى نيدەرلاندى الدىنداعى قارىزدارىمىز 2014 جىلدىڭ اتالعان كەزەڭىنە قاراعاندا ەداۋىر تومەندەپ، 43،13 ملرد دوللاردى قۇراعان. ال، ۇلىبريتانيا الدىنداعى قارىزىمىز 10 پايىزعا ءوسىپ، 4،13 ملرد دوللاردى قۇراعان. قازاقستاننىڭ كايمان ارالدارىندا دا 1،1 ملرد دوللار قارىزى بار كورىنەدى.

ال، قىتايعا قارىزىمىز 2015 جىلدىڭ 1 توقسانىندا 13،35 ملرد دوللاردى قۇرايدى. بۇعان گونكونگ ۇكىمەتىنە قايتارىلۋى ءتيىس 5،12 ملرد دوللاردى قوسىڭىز.

بۇل سىرتقى قارىزداردىڭ 8،6 ملرد دوللارى بانك سەكتورىنىڭ قارىزى بولسا، 11،2 ملرد دوللار مەملەكەتتىك سەكتورعا تيەسىلى. قارىزدىڭ قالعان بولىگى فيرماارالىق قارىزدار (81،6 ملرد دوللار) مەن رەزيدەنت ەمەس تۇلعالاردىڭ قارىزدارى (54،2 ملرد دوللار) كورىنەدى.

LS سونىمەن قاتار، 2016 جىلدىڭ 1 قاڭتارىندا ەلىمىزدىڭ سىرتقى قارىزى 153،45 ميلليارد دوللاردى قۇراعانىن جازادى.