ەسىرتكى تاسىمالداندى دەپ ايىپتالىپ، جۇڭگو سوتى ءومىر بويى باس بوستاندىعىنان ايىرعان اقجارقىن تۇرلىبايدىڭ اپەللياسيالىق سوتى كەيىنگە قالدىرىلدى، - دەپ حابارلايدى «قامشى» پورتالى.
«پروسەسكە اقجارقىننىڭ قورعاشۋسى، اۋدارماشى مەن تۋىستارى قاتىستى. سونداي-اق، سوت پروسەسىنە ق ر سىرتقى ىستەر مينيسترلىگىنىڭ قىزمەتكەرى بولات سىرلىبايەۆ تا كەلدى. سوت قورعاۋشى تاراپتىڭ ءوتىنىشىن زەرتتەۋ ءۇشىن كەلەسى سوت وتىرىسىن كەيىنگە قالدىردى. كەلەسى وتىرىستىڭ ۋاقىتى ازىرگە بەلگىسىز. ءبىز ۇسىنعان وتىنىشتەردى قاراپ، سوت الداعى وتىرىستا ۇكىم شىعارۋى دا مۇمكىن»، - دەيدى اقجارقىن تۇرلىبايدىڭ ادۆوكاتى سۇڭقار نۇرماعامبەتوۆ.
ادۆوكات اقجارقىننىڭ دەنساۋلىعى قالىپتى ەكەنىن، وعان اناسىمەن جۇزدەسۋ مۇمكىندىگى بەرىلگەنىن ايتادى.
ەستەرىڭىزگە سالساق، 2014 جىلى ناۋرىز ايىندا اقجارقىن تۇرلىباي گۋانچجوۋ قالاسىنىڭ اۋەجايىندا ۇستالىپ، وعان ەسىرتكى تاسىمالدادى دەگەن ايىپ تاعىلعان بولاتىن 2015 جىلدىڭ ماۋسىم ايىندا ونى ءومىر بويى باس بوستاندىعىنان ايىرۋ تۋرالى ۇكىم شىققان بولاتىن.
