ۇستىمىزدەگى جىلعى 12 ناۋرىزدا بەيجىڭدەگى رەسەي مادەني ورتالىعىندا قحر-داعى ق ر ەلشىلىگىنىڭ ۇيىمداستىرۋىمەن «وتتى وزەن» كوركەم ءفيلمىنىڭ كورسەتىلىمى ءوتتى.

بۇل تۋرالى ق ر ءسىم باسپا ءسوز قىزمەتى حابارلادى.

شاراعا قحر سىرتقى ىستەر ءمينيسترىنىڭ ورىنباسارى چەن گوپين، قكپ ورتالىق كوميتەتىنىڭ حالىقارالىق ءبولىمى باسشىسىنىڭ ورىنباسارى چجوۋ لي، شىۇ باس حاتشىسى د.مەزەنسيەۆ، رەسەي، بەلارۋس، گرۋزيا، وزبەكستان، ازەربايجان، تاجىكستان، ۆەتنام جانە ت.ب. ەلدەر ەلشىلىكتەرىنىڭ باسشىلارى مەن وكىلدەرى قاتىستى.

قىتايداعى ق ر ەلشىسى نۇرلان ەرمەكبايەۆ «كوشباسشى جولى» كينوەپوپەياسىنىڭ ەكىنشى ءبولىمى بولىپ تابىلاتىن «وتتى وزەن» ءفيلمى جاس ۇرپاق ءۇشىن ەڭبەكتى، وتاندى ءسۇيۋ ۇلگىسى ەكەنىن، ۇلتارالىق كەلىسىم يدەيالارىنا تاربيەلەيتىنىن اتاپ ءوتتى.

شارانىڭ اشىلۋىندا ءسوز سويلەگەن قحر سىرتقى ىستەر ءمينيسترىنىڭ ورىنباسارى چەن گوپين «ۇلى ۇلتتان ۇلى كوشباسشىلار تۋاتىنىن»، سونداي-اق ن.نازاربايەۆ قازاقستاننىڭ ۇلتتىق كوشباسشىسى عانا ەمەس، الەمدەگى ەڭ بەدەلدى ساياساتكەرلەردىڭ ءبىرى بولىپ تابىلاتىنىن اتاپ ءوتتى.

ول ازياداعى ءوزارا ىقپالداستىق جانە سەنىم شارالارى جونىندەگى كەڭەس، الەمدىك جانە ءداستۇرلى دىندەر كوشباسششىلارىنىڭ سەزى سياقتى تاڭداۋلى فورۋمداردى قۇرۋ تۋرالى باستامالار ن.نازاربايەۆتىكى ەكەنىن، ونىڭ اكتيۆىندەگى جاھاندىق يادرولىق قارۋسىزدانۋدى ىنتالاندىرۋعا قوسقان ۇلكەن ۇلەسىن اتاپ ءوتتى. قىتايلىق ديپلوماتتىڭ ايتۋىنشا، وسىنىڭ بارلىعى قازاقستانعا كەڭ الەمدىك اتاق اكەلدى.

چەن گوپين قازاقستان پرەزيدەنتىنىڭ تۇلعا بولىپ قالىپتاسۋىنىڭ جولىمەن، قازاق حالقىنىڭ تاريحىمەن جانە ۇلتتىق داستۇرلەرىمەن تەرەڭىرەك تانىس بولۋعا مۇمكىندىك بەرەتىنىن ايتتى.

فيلم كورسەتىلىمىندە رەسەي مادەني ورتالىعىنىڭ ديرەكتورى ۆ.كوننوۆ تا ءسوز سويلەدى. ول «وتتى وزەن» ءفيلمىن ورتالىقتىڭ قابىرعاسىندا كورسەتۋ تمد كەڭىستىگىندەگى مادەني-گۋمانيتارلىق بايلانىستار مەن دوستىقتى نىعايتۋعا مۇمكىندىك بەرەتىنىن اتاپ ءوتتى.

قازاقپارات